الماتىدا كاسىپكەرلەردى قولداۋعا ارنالعان قانداي گرانتتار بار ەكەنى ايتىلدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
«كاسىپكەرلىكتى دامىتۋ جونىندەگى ۇلتتىق جوبا» شەڭبەرىندە جىلدىق 6% بويىنشا ەڭ جوعارى سوماسى 3 ملرد. تەڭگەگە دەيىنگى سىياقى مولشەرلەمەسىنىڭ ءبىر بولىگىن سۋبسيديالاۋ مۇمكىندىگى كوزدەلگەن. ۇلتتىق جوبانىڭ وڭىرلىك ۇيلەستىرۋشىسى، ياعني الماتى قالاسىنىڭ كاسىپكەرلىك جانە ينۆەستيسيالار باسقارماسى جىل سايىن ەكونوميكانىڭ باسىم سالالارىندا شاعىن كاسىپكەرلىك سۋبەكتىلەرى ءۇشىن وتەۋسىز نەگىزدە 5 ملن. تەڭگەگە دەيىن مەملەكەتتىك گرانتتار بەرۋ بويىنشا كونكۋرس وتكىزەدى، – دەپ انىقتاما بەردى كاسىپكەرلىك جانە ينۆەستيسيالار باسقارماسى.
سونداي-اق قالالىق باسقارما دەرەگىنشە، كاسىپكەرلەرگە كومەك بەرۋ ءۇشىن الماتى قالاسىنىڭ اكىمدىگىمەن «Almaty Business – 2025» كاسىپكەرلىكتى دامىتۋدىڭ وڭىرلىك باعدارلاماسى ازىرلەنگەن. وسى باعدارلاما شەڭبەرىندە «Almaty Finance» ج ش س جانە «Almaty «مقۇ»» ج ش س كومپانيالارى قۇرىلىپ، وندا 500 ملن تەڭگەگە دەيىنگى سومادا جىلدىق 2%، 6% جانە 12% جوبالاردى قارجىلاندىرۋدىڭ سارالانعان ءتاسىلى قولدانىلادى.
الماتى قالاسىنىڭ اكىمدىگى باستاماسىمەن ىسكە اسىرىلىپ جاتقان جوبالارىنىڭ قاتارىندا – «JANA BUSINESS» وڭىرلىك باعدارلاماسى («دامۋ» كاسىپكەرلىك دامىتۋ قورىمەن بىرلەسكەن باعدارلاما) بار. جوبا تالاپتارى بويىنشا سۋبەكتىلەر ءۇشىن قارىز بويىنشا سىياقىنىڭ نومينالدى مولشەرلەمەسى جىلدىق 6%-دان اسپايدى جانە قارىزدىڭ ەڭ جوعارى سوماسى – 100 ملن تەڭگە.
جالپى، 2022 جىلى مەملەكەتتىك جانە وڭىرلىك باعدارلامالار (ۇلتتىق جوبا، قاراپايىم زاتتار ەكونوميكاسى، اوك، «الماتى بيزنەس – 2025»، «جاڭا بيزنەس») شەڭبەرىندە 48،1 ملرد تەڭگە بيۋدجەت قاراجاتى ءبولىندى. جالپى سوماسى 131،5 ملرد تەڭگەگە 3 448 شوب جوباسى قارجىلاندىرىلدى، – دەپ حابارلايدى قالالىق باسقارما.
ايتا كەتكەن ءجون، الماتى قالاسى كاسىپكەرلىك جانە ينۆەستيسيالار باسقارماسى كاسىپكەرلەرگە كونسۋلتاسيالىق قىزمەت الۋ ءۇشىن كەلەسى مەكەنجايعا بارۋعا كەڭەس بەرەدى: كاسىپكەرلەر تولىق كونسۋلتاسيالىق قىزمەتتى تەگىن «Qoldaý» كاسىپكەرلىك ورتالىعىنان الا الادى. ناقتى مەكەن-جايى: الماتى قالاسى، بايزاقوۆ كوشەسى، 303، 2 قابات.