پرەزيدەنتكە «استانا» حالىقارالىق قارجى ورتالىعىنىڭ يننوۆاسيالىق قارجى ونىمدەرى مەن قىزمەتتەردى دامىتۋ، ەلىمىزدىڭ ينۆەستيسيالىق تارتىمدىلىعىن ارتتىرۋ، سونداي-اق احقو-نىڭ جاڭارعان دامۋ ستراتەگياسى اياسىندا نەگىزگى بيزنەس-سەرىكتەستەرمەن ءوزارا بايلانىس جۇمىستارى تۋرالى مالىمەت بەرىلدى، دەپ حابارلايدى اlmaty-akshamy.kz اقورداعا سىلتەمە جاساپ.
مەملەكەت باسشىسىنا ورنىقتى قارجىلاندىرۋ قۇرالدارىنىڭ اياسىن ودان ءارى كەڭەيتۋ جانە ەلىمىزدىڭ كومىرسۋتەگى بەيتاراپتىعىنا جەتۋ ماقساتىن قارجىلاندىرۋدى جۇزەگە اسىرۋداعى ورتالىقتىڭ ءرولى جونىندە باياندالدى. قاسىم-جومارت توقايەۆ شەتەلدەن ينۆەستيسيا تارتۋ ءۇشىن قاجەتتى ينفراقۇرىلىم قۇرىپ، جاعداي جاساۋدا، سونداي-اق قور نارىعى مەن ەل ەكونوميكاسىن دامىتۋدا احقو-نىڭ ماڭىزدى ءرول اتقاراتىنىن اتاپ ءوتتى.
پرەزيدەنت ورتالىقتىڭ باسەكەگە قابىلەتتىلىگىن ارتتىرۋ قاجەتتىگىنە، سونداي-اق ترانسكاسپيي حالىقارالىق كولىك ءدالىزى سەكىلدى ماڭىزدى ينفراقۇرىلىم جوبالارىنا اۋقىمدى ينۆەستيسيا تارتۋ ءۇشىن قولايلى جاعداي جاساۋ كەرەك ەكەنىنە نازار اۋدارۋدى تاپسىردى.