قۇقىق قورعاۋ قىزمەتى اياسىندا باس كولىك پروكۋراتۋراسى بيزنەس سۋبەكتىلەرىنىڭ قۇقىقتارىنا نۇقسان كەلتىرەتىن فاكتىلەردى انىقتادى، دەپ حابارلايدى almaty-akshamy.kz باس كولىك پروكۋراتۋراسىنا سىلتەمە جاساپ.
2022 جىلدان باستاپ قورشاعان ورتاعا تەرىس اسەر ەتكەنى ءۇشىن تولەۋ بويىنشا مىندەتتەمەلەر وزگەرتىلىپ، كاسىپكەرلەردىڭ جەكەلەگەن ساناتتارى ەكولوگيالىق تولەمدەردەن بوساتىلعان.
وسىعان قاراماستان، بۇل ءمان-جايلاردى بىلمەي، كاسىپكەرلەر ءتيىستى تولەمدەردى جۇرگىزۋدى جالعاستىردى، ال سالىق ورگاندارى ولاردىڭ نەگىزسىز شىعىندارىن بولدىرماۋ ماقساتىندا ءتيىستءى ءتۇسىندىرۋ جۇمىستارىن جۇرگىزبەگەن.
مىسالى، وسىنداي تولەمدەردى تولەۋشىلەر ساناتىنا كىرمەيتىن «№3 Sk اۆتوۆوكزال پاركى» ج ش س مەملەكەتتىك بيۋدجەتكە 15 ملن استام تەڭگە تولەگەن.
سول سياقتى باسقا 2 203 كاسىپكەر دە بيۋدجەتكە نەگىزسىز 2،4 ملرد تەڭگەدەن جوعارى قاراجاتتى اۋدارعان.
كولىك پروكۋراتۋراسى ورگاندارىنىڭ ارالاسۋىنان كەيىن عانا، كاسىپكەرلەرگە ولاردى وسىنداي الىمداردى تولەۋشىلەر تىزىمىنەن الىپ تاستاعاندىعى تۋرالى جەتكىزىلدى.
سونىمەن قاتار، كولىك پروكۋراتۋراسىنىڭ اكتىسى بويىنشا كاسىپكەرلەرگە اقشالاي قاراجاتتى قايتارۋ بويىنشا جۇمىس باستالعان، 500 ارتىق كاسىپكەرگە شامامەن 30 ملن تەڭگە قايتارىلدى.
مەملەكەتتىك كىرىستەر كوميتەتىنە سالىق زاڭناماسىنداعى وزگەرىستەر تۋرالى اقپاراتتى بيزنەس قاۋىمداستىققا ءتيىمدى جەتكىزۋ جونىندەگى شارالاردى ازىرلەي وتىرىپ، وسىنداي جاعدايدىڭ تۋىنداۋ سەبەپتەرىن تالداۋ تاپسىرىلدى.