ادال كاسىپكەرلەردىڭ جۇمىسىن جەڭىلدەتۋ ءۇشىن قاشىقتان باقىلاۋ» ەنگىزىلەدى. بۇل تۋرالى ۇكىمەت وتىرىسىندا ق ر قارجى ۆيسە-مينيسترى ەرجان ءبىرجانوۆ ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۇزۋشىلىقتاردىڭ الدىن الۋ فيسكالدىق باقىلاۋ، ونىڭ ىشىندە تەكسەرۋلەر كەزىندە تاۋەكەلدەردى باسقارۋ جۇيەسىن ودان ءارى جاقسارتۋ جولىمەن قامتاماسىز ەتىلەدى. سونداي-اق، ورىندالماعان كامەرالدىق حابارلامالار بويىنشا تاۋەكەلدەردى باسقارۋ جۇيەسىن قولدانۋدى كەڭەيتۋ جانە قوسىلعان قۇن سالىعىن قايتارۋ كەزىندە تەكسەرۋ جۇرگىزبەي تاۋەكەلدەردى باعالاۋ ۇسىنىلادى. ەلەكتروندىق شوت-فاكتۋرالاردى ونلاين مونيتورينگتەۋ جولىمەن جالعان مامىلەلەردى جاساۋعا توسقاۋىل قويىلادى. مەملەكەتتىك ورگاندار مەن ۇيىمداردىڭ دەرەكتەرى نەگىزىندە بارلىق حابارلامالاردى ورتالىق دەڭگەيدە اۆتوماتتاندىرۋ جوسپارلانۋدا»، - دەدى ول.
ۆيسە-مينيستردىڭ اتاپ وتۋىنشە، سالىق تولەۋشىلەردىڭ ءوز كونتراگەنتتەرىن دەربەس تەكسەرۋى ءۇشىن ءتيىستى ساقتىق قاعيداتىن ەنگىزۋ بويىنشا جۇمىس جۇرگىزىلۋدە. بۇل سوت تالاپتارىنىڭ سانىن ازايتادى.
«بۇدان باسقا، ادال كاسىپكەرلەردىڭ جۇمىسىن جەڭىلدەتۋ ءۇشىن بيزنەسپەن قارىم-قاتىناستىڭ جاڭا ءتۇرى - «قاشىقتان باقىلاۋ» ەنگىزىلەتىن بولادى. ءىرى بيزنەسپەن قاشىقتان ءوزارا ءىس-قيمىل جاساۋعا نەگىزدەلگەن «دەڭگەيلەس مونيتورينگتى» قولدانۋ كەڭەيتىلەتىن بولادى»، - دەدى ەرجان ءبىرجانوۆ.