قازاقستاننىڭ جۇپتىق سىنداعى ءبىرىنشى، الەمنىڭ 19-راكەتكاسى اننا دانيلينا اقش اشىق چەمپيوناتىنىڭ ءۇشىنشى اينالىمىنا شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
جارىستىڭ 8-راكەتكالارى بولىپ تىركەلگەن ا.دانيلينا برازيليالىق بەاتريس حادداد ماييامەن بىرگە ەكىنشى اينالىمدا يسپانيالىق الەنا بولشوۆا - نورۆەگيالىق ۋلريككە ەيكەريمەن كەزدەستى.
قازاقستاندىق-برازيليالىق جۇپ 6:1، 7:5 ەسەبىمەن جەڭىسكە جەتتى. ولار 3 ەيس جاساپ، 7 برەيك-پوينتتىڭ بەسەۋىن پايدالانا ءبىلدى.
اننا دانيلينا مەن بەاتريس حادداد ماييا شيرەك فينالعا شىعۋ ءۇشىن دودانىڭ 10-راكەتكالارى، امەريكالىق نيكول مەليچار-مارتينەس - اۋستراليالىق ەللەن پەرەسپەن تالاسادى.
ەرلەر اراسىندا جۇپتىق سىندا قازاقستاننان ەشكىم قالعان جوق.
الەكساندر بۋبليك دانيالىق حولگەر رۋنەمەن بىرگە ەكىنشى اينالىمدا تارتىستى ماچتا فرانسيالىقتار كەنتەن گالي - ادريان ماننارينوعا ەسە جىبەردى - 3:6، 7:5، 6:7 (8:10).
الەكساندر نەدوۆەسوۆ پاكستاندىق ايسام كۋرەشيمەن بىرگە چەمپيوناتتىڭ 3-راكەتكالارى، سالۆادورلىق مارسەلو اريەۆالو - نيدەرلاندىلىق جان-جيۋلەن رويەردەن ۇتىلىپ قالدى - 0:6، 3:6.