2023 جىلى سالىقتىق اكىمشىلەندىرۋ جۇيەسى ەنگىزىلەدى. بۇل تۋرالى ۇكىمەت وتىرىسىندا ق ر قارجى ۆيسە-مينيسترى ەرجان ءبىرجانوۆ ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«تاۋارلاردى باقىلاپ وتىرۋ جۇيەسىن ودان ءارى جەتىلدىرەتىن بولامىز. ونىڭ اياسىندا سالىقتىق جانە كەدەندىك اكىمشىلەندىرۋ جۇيەلەرىن تولىق ينتەگراسيالاۋ جوسپارلانۋدا. 2023 جىلدىڭ سوڭىنا دەيىن سالىقتىق اكىمشىلەندىرۋ جۇيەسى جانە ينتەگراسيالانعان دەرەكتەر بازاسى تاجىريبەلىك پايدالانۋعا ەنگىزىلەدى. كەيىننەن بۇل جۇيەلەر «استانا-1»، «ە-تەرەزە» جانە كەدەندىك اكىمشىلەندىرۋدىڭ جاڭا جۇيەسىمەن ينتەگراسيالاناتىن بولادى. سونىمەن قاتار، بەلسەندى قىزمەتتەردى الدىن الا كورسەتۋ بويىنشا جۇمىستار جۇرگىزىلۋدە. ول ءۇشىن ءبىز ەكىنشى دەڭگەيدەگى بانكتەردىڭ ءموبيلدى قوسىمشالارىن پايدالانامىز. ناتيجەسى سالىق سالۋ جۇيەسىن وڭايلاتۋ، ونىڭ ىشىندە قىزمەتتەردى اۋتسورسينگكە بەرۋ جانە ءوز سەرۆيستەرىمىزدى دامىتۋ بولۋى ءتيىس»، - دەدى ول.
ۆيسە-مينيستردىڭ اتاپ وتۋىنشە، بيىل ءبىر تەرەزە قاعيداتى بويىنشا احۋالدىق ورتالىق پەن ەلەكتروندىق دەكلاراسيالاۋ ورتالىعىن بىرىكتىرۋ جولىمەن باس ديسپەچەرلىك باسقارما قۇرىلدى.
«ەۋرازيالىق ەكونوميكالىق وداقتىڭ كەدەندىك شەكاراسىندا ورنالاسقان 9 اۆتوموبيل جانە 1 تەمىرجول وتكىزۋ پۋنكتتەرىن جاڭعىرتۋ جۇرگىزىلۋدە. جاڭعىرتىلعان وتكىزۋ پۋنكتتەرىندە ينتەگراسيالانعان كەدەندىك باقىلاۋ جۇزەگە اسىرىلاتىن بولادى. سونىمەن قاتار، ناۆيگاسيالىق پلومبالار كەڭىنەن قولدانىلاتىن بولادى. بۇل جالعان ءترانزيتتى بولدىرمايدى»، - دەدى ەرجان ءبىرجانوۆ.