مونيتورينگ نەگىزىندە ءۇش ۇسىنىم ازىرلەنگەن
جەرگىلىكتى كاسىپكەرلەر ءۇشىن جەردى سۋعارۋ ارزانعا تۇسەدى. مەملەكەت باسشىسىنىڭ ادال بيزنەستى مەملەكەتتىك ورگاندار تاراپىنان زاڭسىز ارالاسۋدان قورعاۋ جونىندەگى تاپسىرمالارىن ىسكە اسىرۋ شەڭبەرىندە سىبايلاس جەمقورلىققا قارسى قىزمەت جۇيەلى جۇمىس جۇرگىزۋدە، دەپ حابارلايدى Almaty-akshamy.kz.
ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ مالىمەتىنشە، كاسىپكەرلەرگە بيزنەستىڭ دامۋىنا كەدەرگى كەلتىرەتىن اكىمشىلىك كەدەرگىلەر مەن جاساندى اۋرە-سارساڭداردى جويۋ ەسەبىنەن پراكتيكالىق كومەك كورسەتۋگە ەرەكشە كوڭىل بولىنەدى.
"2023 جىلى 6 ساۋىردە ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ قىزمەتكەرلەرى جانە ەڭبەكشىقازاق اۋدانىنىڭ اكىمدىگىمەن، اۋىل شارۋاشىلىعى باسقارماسىمەن، د. قونايەۆ اتىنداعى ۇلكەن الماتى كانالى "قازسۋشار" فيليالىمەن يرريگاسيالىق جەلىلەر سالاسىندا جۇرگىزىلگەن سىبايلاس جەمقورلىققا قارسى تاقىرىپتىق مونيتورينگ ۇسىنىمىنىڭ ورىندالۋىن تالقىلاۋ بويىنشا ءوڭىر شارۋالارىمەن كەزدەسۋ وتكىزدى"، - دەلىنگەن حابارلامادا.
يرريگاسيالىق جەلىلەردىڭ قىزمەت سالاسىنا جۇرگىزىلگەن مونيتورينگ نەگىزىندە 3 ۇسىنىم ازىرلەنگەن بولاتىن:
1. بارلىق سۋارۋ جەلىلەرىن ونىڭ تەڭگەرىمىنە بەرە وتىرىپ، الماتى وبلىسىنىڭ سۋ شارۋاشىلىعىنىڭ ءبىرىڭعاي وپەراتورىن قۇرۋ، اۋىل شارۋاشىلىعى تاۋارىن وندىرۋشىلەرمەن كەلىسىم بويىنشا ءبىرىڭعاي ءتاريفتى بەكىتۋ جانە ارنالاردى كۇتىپ ۇستاۋ جونىندەگى مىندەتتەردى ايقىنداۋ؛
2. پروكۋراتۋرامەن، تابيعي مونوپوليالاردى رەتتەۋ كوميتەتىنىڭ دەپارتامەنتىمەن جانە وبلىستىڭ مەملەكەتتىك كىرىستەر دەپارتامەنتىمەن بىرلەسىپ اكك قىزمەتىندە تەكسەرۋگە باستاماشىلىق ەتۋگە؛
3. د. قونايەۆ اتىنداعى ۇلكەن الماتى كانالى "قازسۋشار" فيليالىمەن بىرلەسىپ، ونىڭ مۇمكىندىكتەرىن تالداۋدى ەسكەرە وتىرىپ، ا.ج. سۋارمالى سۋ بەرۋ بويىنشا شارۋا قوجالىقتارىمەن تىكەلەي شارتتار جاساسۋدى قامتاماسىز ەتۋ.
سىبايلاس جەمقورلىققا قارسى قىزمەتتىڭ ۇسىنىمدارى نەگىزىندە الماتى وبلىسىنىڭ "الماتى وبلىستىق سۋ شارۋاشىلىعى" كوممۋنالدىق كاسىپورنى تۇرىندەگى ءبىرىڭعاي سۋ شارۋاشىلىعى وپەراتورى قۇرىلدى، ونىڭ بالانسىنا بارلىق سۋارۋ جەلىلەرى (شامامەن 680 كم) بەرىلدى.
د. قونايەۆ اتىنداعى ۇلكەن الماتى كانالى 2023 جىلعا 1 شارشى مەترى ءۇشىن بەلگىلەنگەن تاريفپەن 0،7 تەڭگەمەن شارۋا قوجالىقتارىمەن تىكەلەي شارت جاساي باستادى.
ايتا كەتۋ كەرەك، بۇعان دەيىن ۇلكەن الماتى كانالى مەن شارۋالار اراسىندا شارۋالارعا سۋ بەرەتىن اۋىلشارۋاشىلىق كووپەراتيۆتەرى بولعان. ولار 1 گەكتارعا سۋدى 20 000 – 28 000 تەڭگەدەن ساتىپ كەلگەن، بۇل ورتاشا ەسەپپەن بۇعان دەيىنگى ءتاريفتىڭ 1 شارشى مەترى ءۇشىن 2 تەڭگەدەن اسقانىن بىلدىرەدى.