ق ر قورعانىس مينيسترلىگى "قازاقستان رەسەيگە اسكەري تەحنيكالار جونەلتە باستادى" دەگەن داقپىرتتى جوققا شىعاردى، دەپ حابارلايدى Almaty-akshamy.kz Zakon.kz-كە سىلتەمە جاساپ.
StopFakeء-تىڭ مالىمدەۋىنشە، الەۋمەتتىك جەلى مەن مەسسەندجەرلەردە 2023 جىلى 6 ساۋىردە قاراعاندى وبلىسىندا اسكەري تەحنيكانى تيەپ اكەتىپ بارا جاتقان اۋىر جۇك كولىكتەرى تۇسىرىلگەن ۆيدەو تاراعان. ۆيدەو اۆتورى ولاردى رەسەيگە جونەلتۋ ءۇشىن اكەتىپ بارا جاتىر دەپ توپشىلايدى.
بۇل دولباردى ق ر قورعانىس مينيسترلىگى جوققا شىعاردى.
"الەۋمەتتىك جەلىلەردە تاراعان قازاقستاندىق اسكەري تەحنيكانى رەسەيگە جونەلتۋ تۋرالى اقپارات شىندىققا جاناسپايدى. الەۋمەتتىك جەلىلەردە تارالعان ۆيدەودا كورسەتىلگەن تەحنيكا جاۋىنگەرلىك دايارلىق بويىنشا جوسپارلى وقۋ-جاتتىعۋلاردان كەرى قايتارىلۋدا. ايتا كەتسەك، 2022 جىلى 27 تامىزدان باستاپ قازاقستاندا قارۋ-جاراق پەن اسكەري تەحنيكانى ەكسپورتتاۋعا تىيىم سالىنعان"، – دەپ حابارلادى ۆەدومستۆودان.