سوت تالقىلاۋى 2023 جىلعى 17 ءساۋىر كۇنى ساعات 10:00-گە بەلگىلەنگەن
ارىستانبەك مۇحامەدي ۇلى مەن وزگە دە تۇلعالارعا قاتىستى ءىس استانا قالاسىنىڭ بايقوڭىر اۋداندىق سوتىنا ءتۇستى، دەپ حابارلايدى Almaty-akshamy.kz.
«بايقوڭىر اۋداندىق №2 سوتى بيۋدجەت قاراجاتىن تالان-تاراجعا سالۋ ايىبى تاعىلعان ا. مۇحامەدي ۇلى، ا. نۇرازحان، ا. كوشەنوۆ جانە ا. سادۋاقاسوۆانى ايىپتاۋ بويىنشا قىلمىستىق ءىستى وندىرىسكە الدى. اتالعان قىلمىستىق ءىس بويىنشا باستى سوت تالقىلاۋى اشىق سوت وتىرىسىندا 2023 جىلعى 17 ءساۋىر كۇنى ساعات 10:00-گە بەلگىلەنگەن»، - دەلىنگەن استانا قالالىق سوتىنىڭ باسپا ءسوز قىزمەتى تاراتقان اقپاراتتا.
ەستەرىڭىزگە سالا كەتەيىك، 2022 جىلدىڭ 28 مامىرىندا سوت سانكسياسىمەن ۇلتتىق مۋزەي ديرەكتورى ارىستانبەك مۇحامەديۇلىنا قاتىستى «كۇزەتپەن ۇستاۋ» بۇلتارتپاۋ شاراسى تاڭدالدى.