قازاقستان قۇراماسى پاريجدەگى پاراليمپيادا ويىندارىن رەكوردتىق ناتيجەمەن اياقتادى.
ۇلتتىق قۇراما ءارتۇرلى دارەجەدەگى توعىز مەدالعا قول جەتكىزىپ، قازاقستاندىق پاراسپورتشىلاردىڭ تاريحىنداعى ەڭ ۇزدىك ناتيجەنى كورسەتتى، دەپ حابارلايدى aqshamnews.kz
7 قىركۇيەكتە جۋركامىرزا شۋكۇربەكوۆ (J2، 90 كەلىگە دەيىنگى كاتەگوريا) جانە زارينا رايفوۆا (J2، 70 كەلىگە دەيىنگى كاتەگوريا) قازاقستانعا ەكى قولا مەدال سىيلادى.
بۇل قازاقستان ءۇشىن پاريجدە وتكەن XVII جازعى پاراليمپيادا ويىندارىنداعى ەڭ ءساتتى كورسەتكىش بولدى. قۇراما 9 مەدال يەلەندى: ەكى التىن، ءۇش كۇمىس جانە ءتورت قولا.
جالپى كوماندالىق مەدالدار كەستەسىندە قازاقستان 39-ورىنعا تۇراقتادى. كوش باسىندا 216 مەدالمەن جۇڭگو، ەكىنشى ورىندا 120 مەدالمەن ۇلىبريتانيا، ءۇشىنشى ورىندا 102 مەدالمەن اقش تۇر.
2020 جىلى توكيودا وتكەن پاراليمپيادادا قازاقستاندىقتار 5 مەدال (ءبىر التىن، ءۇش كۇمىس جانە ءبىر قولا) جەڭىپ العان بولاتىن.
پاريجدەگى پاراليمپيادا ويىندارى 2024 جىلدىڭ 8 قىركۇيەگىندە «ستاد دە فرانس» ستاديونىندا جابىلۋ سالتاناتىمەن اياقتالادى.