الماتى وبلىستىق سوتى ونىڭ مەرزىمىنەن بۇرىن شارتتى تۇردە بوساتۋ تۋرالى ءوتىنىشىن قاناعاتتاندىردى. بۇل تۋرالى الماتى وبلىستىق سوتىنىڭ باسپا ءسوز قىزمەتى حابارلادى. قونايەۆ قالالىق سوتى 2024 جىلعى 26 شىلدەدە مۇراتحان ءتوقماديدىڭ ءوتىنىشىن قاناعاتتاندىرۋ تۋرالى شەشىم شىعارعان.
ەسكە سالا كەتسەك، جامبىل وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتى بيزنەسمەن مۇراتحان ءتوقماديدى 10 جىل التى ايعا باس ەركىندىگىنەن ايىرۋعا ۇكىم شىعارعان. سوت ونى 2004 جىلى بۇرىنعى "تۇرانالەم بانك" جەتەكشىسى ەرجان تاتىشيەۆتى تاپسىرىس بويىنشا اتىپ ولتىرگەنى ءۇشىن ايىپتى دەپ تانىدى. سوت ۇكىمىنە سايكەس، ءتوقمادي جازاسىن قاتاڭ تارتىپتەگى كولونيادا وتەءدى.