ورتالىق ازيا مەملەكەتتەرى باسشىلارىنىڭ VI-كونسۋلتاتيۆتىك كەزدەسۋىن وتكىزۋ قارساڭىندا، 2024 جىلعى 8 تامىزدا استانا قالاسىندا ورتالىق ازيا ەلدەرىنىڭ كولىك مينيسترلەرىنىڭ ەكىنشى كەزدەسۋى ءوتتى. ءىس-شاراعا قازاقستان، قىرعىزستان، تاجىكستان، تۇرىكمەنستان جانە وزبەكستان كولىك مينيسترلەرى قاتىستى.
كەزدەسۋ بارىسىندا مينيسترلەر ترانزيتتىك دالىزدەر، تەمىرجول جانە اۆتوموبيل تاسىمالدارى، سونداي-اق اۋە كولىگى سالالارىنداعى ىنتىماقتاستىقتىڭ وزەكتى ماسەلەلەرىن تالقىلادى. اۆتوموبيل جانە تەمىر جولداردى سالۋعا، حالىقارالىق اۋە قاتىناسى جەلىسىن كەڭەيتۋگە باعىتتالعان ءوزارا بايلانىستى دامىتۋ بويىنشا ەلدەر جۇرگىزىپ جاتقان ساياسات ەرەكشە اتاپ ءوتىلدى. ءىس-شارا قورىتىندىسى بويىنشا تاراپتاردىڭ ىنتىماقتاستىقتى ودان ءارى نىعايتۋ نيەتىن بەكىتەتىن استانا كومميۋنيكەسىنە قول قويىلدى.
بۇدان باسقا، مينيسترلەر ينۆەستيسيالار تارتۋ، ينفراقۇرىلىمدى دامىتۋ جانە كولىك-لوگيستيكالىق ورتالىقتاردىڭ قىزمەتىن رەتتەيتىن نورماتيۆتىك-قۇقىقتىق بازانى جەتىلدىرۋ ءۇشىن قولايلى ورتا قۇرۋ شەڭبەرىندە ەلدەردىڭ ءوزارا ءىس-قيمىلىنا باعىتتالعان مەموراندۋمعا قول قويدى.
بۇل مەموراندۋم 2023 جىلى دۋشانبە قالاسىندا قول قويىلعان ورتالىق ازياداعى جەر ءۇستى كولىگىنىڭ ءوزارا بايلانىسىن نىعايتۋ تۋرالى كوپجاقتى كەلىسىمنىڭ قيسىندى جالعاسى.
دەلەگاسيا استانا قالاسىنداعى ەلەكتروۆوز قۇراستىرۋ زاۋىتىنا باردى. كاسىپورىن وتاندىق لوكوموتيۆ قۇرىلىسىنىڭ وندىرىستىك مۇمكىندىكتەرىن كورسەتتى. سونداي-اق، قوناقتار كولىك مينيسترلىگى ۇيىمداستىرعان جولشىلار كۇنىنە ارنالعان سالتاناتتى جينالىسقا قاتىستى.