2024-2025 وقۋ جىلىنا باكالاۆرياتقا 78 مىڭنان استام گرانت ءبولىندى.
گرانتتاردىڭ ەڭ كوپ بولىگى ينجەنەرلىك جانە تەحنيكالىق باعىتتارعا بەرىلدى، دەپ حابارلايدى aqshamnews.kz عىلىم جانە جوعارى ءبىلىم مينيسترلىگىنە سىلتەمە جاساپ.
ءبىر گرانتتىق ورىنعا ەڭ ۇلكەن كونكۋرس «ستوماتولوگيا» بببت بويىنشا بولدى. بۇل ماماندىق بويىنشا ءبىر ورىنعا 35 تالاپكەر تالاستى. ءارى قاراي «حالىقارالىق قاتىناستار جانە ديپلوماتيا» (11 ادام)، «دەنە شىنىقتىرۋ مۇعالىمدەرىن دايارلاۋ» (10 ادام)، «اۋدارما ءىسى» جانە «پسيحولوگيا» (9 ادام) بولدى.
سونداي-اق زارداپ شەككەن 6 ءوڭىردىڭ (اقمولا، اقتوبە، اتىراۋ، بقو، قوستاناي، سقو) مەكتەپ تۇلەكتەرى ءۇشىن 20% مولشەرىندە كۆوتا كوزدەلگەن.
ايتا كەتەيىك، سۋ باسقان وڭىرلەردەن 20 مىڭنان استام تۇلەك گرانتتار كونكۋرسىنا قاتىسۋعا ءوتىنىش بەرگەن.
تج وڭىرلەرىنىڭ تۇلەكتەرى الدىمەن جالپى كونكۋرسقا قاتىستى جانە 10 مىڭنان استام ادام بارلىق تالاپكەرلەرمەن بىردەي جالپى كونكۋرس بويىنشا ءوتتى. تج كۆوتاسى اياسىندا 5 مىڭنان استام ادام گرانت الدى.
1130 ادام قاڭتار نەمەسە ناۋرىز ايىنداعى ۇبت سەرتيفيكاتتارىن پايدالاندى.