2025 جىل – «جۇمىسشى ماماندىقتار جىلى» دەپ جاريالاندى. پرەزيدەنتىمىز تۇجىرىمداعانداي، ەڭبەكقورلىق پەن كاسىبيلىك قۇندىلىقتارى ءبىزدىڭ قوعامىمىزدا ءارقاشان ءبىرىنشى ورىندا بولۋى ءتيىس. ءدال وسى مامانداردىڭ ارقاسىندا ءبىزدىڭ ۇلتىمىزدىڭ جاڭا ساپاسى قالىپتاسادى. باسەكەگە قابىلەتتى ەكونوميكا مەن ەلدىڭ تۇراقتى پروگرەسى ءۇشىن ءارتۇرلى سالالاردىڭ ەڭبەك ماماندىقتارىنىڭ بەدەلىن جۇيەلى تۇردە ارتتىرۋ قاجەت.
الماتى مەملەكەتتىك بيزنەس كوللەدجى – شامامەن، 75 جىل بويى قازاقستاننىڭ شاعىن جانە ورتا بيزنەسى ءۇشىن ماماندار دايارلاپ كەلە جاتقان تابىستى وقۋ ورىندارىنىڭ ءبىرى. كوللەدجدىڭ ءبىلىم بەرۋ باعدارلامالارى جۇمىس بەرۋشىلەرمەن بىرلەسىپ ازىرلەنەدى، وسىلايشا ستۋدەنتتەر كاسىپورىنداردا جۇمىس ىستەۋ ءۇشىن قاجەتتى داعدىلاردى يگەرىپ، ءوز بيزنەس جوبالارىن جۇزەگە اسىرا الادى. «جاس مامان» جوباسى اياسىندا بولاشاق اسپازدار مەن ناۋبايشىلار ءۇشىن زەرتحانالار زاماناۋي جابدىقتارمەن قامتاماسىز ەتىلىپ، قۇزىرەتتىلىك ورتالىقتارى جۇمىس ىستەۋدە. كوللەدجدىڭ وقىتۋشىلارى شۆەيساريادا، گەرمانيادا جانە فرانسيادا حالىقارالىق تاعىلىمدامادان وتەدى.
ءبىزدىڭ تۇلەكتەرىمىز ءوز بيزنەسىن قۇرۋعا باعدارلانادى، وقۋ باعدارلامالارىمىز بولاشاق بۋحگالتەرلەر، ماركەتولوگتار مەن مەنەدجەرلەردىڭ كاسىپكەرلىك داعدىلارىن، يننوۆاسيالاردى جانە كرەاتيۆتىلىكتى، الەۋمەتتىك جاۋاپكەرشىلىكتى دامىتۋعا ىقپال ەتەدى. ولار تابىستى بيزنەستىڭ اجىراماس بولىگىنە اينالادى. تۇلەكتەرىمىزدىڭ كاسىبي داعدىلارى مەن بىلىمدەرى كومپانيالاردىڭ نارىقتاعى تۇراقتى دامۋىن جانە باسەكەگە قابىلەتتىلىگىن قامتاماسىز ەتەدى.
كوللەدجدەر الدىندا تۇرعان نەگىزگى مىندەت – جاستار مەن جۇمىس بەرۋشىلەر جانە ينۆەستورلار ءۇشىن تارتىمدى ورتالىققا اينالۋ. وسى ماقساتتا ءبىزدىڭ كوللەدج دۋالدى وقىتۋدى بەلسەندى تۇردە دامىتىپ، مەملەكەتتىك تاپسىرىس اياسىندا ناقتى كاسىپورىندار ءۇشىن كادرلاردى ماقساتتى دايارلاۋدى كەڭەيتەدى، حالىقارالىق سالالىق ستاندارتتاردى ەنگىزۋگە جانە تۇلەكتەردى سەرتيفيكاتتاۋعا دايىندالادى. يكەمدى تاسىلدەردى قولدانۋ جانە مانساپتىق مۇمكىندىكتەردى دامىتۋ جاستاردىڭ ەڭبەك ماماندىقتارىنا قىزىعۋشىلىعىن ەداۋىر ارتتىرا الادى.
مەملەكەت باسشىسى ەل ازاماتتارىن ەلىمىزگە ادال قىزمەت ەتۋگە، ساپالى ءبىلىم الۋعا جانە تىنىمسىز ەڭبەك ەتۋگە شاقىردى. كوللەدج ۇجىمى مەن ستۋدەنتتەرى پرەزيدەنتتىڭ باستاماسىن قولدايدى جانە ەلىمىزدىڭ ەكونوميكاسىن دامىتۋعا ءوز ۇلەستەرىن قوسۋ ءۇشىن بار كۇش-جىگەرىن جۇمساۋعا دايىن.