مەملەكەت باسشىسى قاسىم-جومارت توقايەۆ «ماقساتىم – ەكونوميكانى جانە ەگەمەندىكتى نىعايتۋ» اتتى سۇحباتىندا جۇمىسشى ماماندىقتار جىلىنا قاتىستى پىكىر ءبىلدىردى. «ءبىز ەڭبەك ادامىنىڭ ابىروي-بەدەلىن كوتەرىپ، ەڭبەكقورلىق، كاسىبيلىك سياقتى قۇندىلىقتاردى دارىپتەۋ ءۇشىن ءالى تالاي شارۋا اتقارۋىمىز كەرەك. ەكونوميكانىڭ كوپتەگەن سالاسىندا جۇمىس قولى جەتىسپەيدى. جۇمىسشى ماماندىقتار مول ءارى تەز تابىس تابۋ تۇرعىسىنان قىزىقتىرا قويماۋى مۇمكىن. ءبىراق بۇل ماماندىقتاردىڭ ەڭبەك نارىعىندا سۇرانىسقا يە بولاتىنىنا دا، قوعامداعى مارتەبەسى جوعارى بولاتىنىنا دا كەپىلدىك بار»، – دەدى پرەزيدەنت.
الماتى ەلەكترومەحانيكا كوللەدجىنىڭ بۇگىنگى نارىقتاعى سۇرانىسقا يە بىلىكتى، باسەكەگە قابىلەتتى جۇمىسشى ماماندار دايارلاۋداعى مارتەبەلى مىندەتتى اتقارۋعا قوسار ۇلەسى مول.
كوللەدجىمىز ەلەكتروتەحنيكا جانە ەنەرگەتيكا، ترانسپورت سالالارى بويىنشا ماماندار دايارلاۋمەن اينالىسادى. قازىرگى كەزدە كوللەدجدە 872 ستۋدەنت ءبىلىم الۋدا، ونىڭ ىشىندە جۇمىسشى ماماندىقتارىن يگەرىپ وتىرعانى – 730.
پرەزيدەنتىمىز سۇحباتتا ەرەكشە اتاپ وتكەن «جاسىل» ەنەرگەتيكا، جەل، كۇن جانە گيدروەلەكتروستانسيالارىن دايىنداۋ جانە ورناتۋ مىندەتتەرىن ىسكە اسىرۋعا ۇلەس قوسۋ ماقساتىندا بيىلعى جىلى العاشقى رەت «جاڭارتىلعان ەنەرگەتيكا» ماماندىعى بويىنشا جۇمىسشى ماماندار توبىنا ءبىلىم الۋشىلار قابىلداندى.
2024 جىلدىڭ 24 ساۋىرىندە الەۋمەتتىك سەرىكتەسىمىز «Smart Light Group» ج ش س كومەگىنىڭ ارقاسىندا كوللەدج شەبەرحاناسىندا زاماناۋي قۇرالدارمەن جابدىقتالعان «اقىلدى ءۇي» زەرتحانالىق كابينەتى ىسكە قوسىلدى.
2024 جىلعى 10 قىركۇيەكتە كوللەدجىمىزدىڭ بازاسىندا «ەلەكتر جانە ەلەكترومەحانيكالىق جابدىقتار» قۇزىرەتتىلىك ورتالىعى اشىلدى. ول كوللەدجدەردىڭ ستۋدەنتتەرىن عانا ەمەس، سونىمەن قاتار جوو جانە تجكب جەكە ۇيىمدارىنىڭ ستۋدەنتتەرىن پراكتيكالىق وقىتۋدى قامتيتىن، وندىرىستىك كاسىپورىندار مەن وقۋ ورىندارى قىزمەتكەرلەرىن قايتا دايارلاۋدى جانە بىلىكتىلىگىن ارتتىرۋدى جۇزەگە اسىراتىن كاسىپتىك ءبىلىم بەرۋدىڭ يننوۆاسيالىق «حابىن» قۇرۋعا مۇمكىندىك بەرەدى، سونداي-اق WorldSkills قاتىسۋشىلارىن، ساراپشىلارىن دايارلاۋعا ارنالعان وقۋ-جاتتىعۋ لاگەرى جانە چەمپيوناتتاردى وتكىزۋگە ارنالعان الاڭ رەتىندە جۇمىس ىستەيدى.
الماتى ەلەكترومەحانيكا كوللەدجى قالامىزدىڭ كوپتەگەن ءىرى مەكەمەمەلەرىمەن سەرىكتەستىكتە جۇمىس ىستەيدى. دۋالدى وقىتۋ جۇيەسى باعدارلاماسى نەگىزىندە ستۋدەنتتەرىمىز وزدەرىنىڭ كاسىپتىك پراكتيكالارىن «الماتى ەلەكترمەحانيكا زاۋىتى» ج ش س، «الماتى جەلدەتكىش زاۋىتى» ج ش س، «سايمان» پريبور جاساۋ زاۋىتى» كاسىپورنى، ەنەرگەتيكا جانە سۋمەن جابدىقتاۋ باسقارماسىنىڭ شارۋاشىلىق جۇرگىزۋ قۇقىعىنداعى «الماتى سۋ» مكك، «Mega Motors» ج ش س، تاعى سول سياقتى كوپتەگەن ءىرى مەكەمەلەرىندە وتەدى.
سونىمەن، 2023 جىلدان باستاپ «كوللەدجگە نەمىس دۋالدى وقىتۋ جۇيەسىن ەنگىزۋ» پيلوتتىق جوباسى ىسكە اسىرىلۋدا. بۇل جوبا گەرمانيا فەدەراتيۆتىك رەسپۋبليكاسىنىڭ جۇمىس بەرۋشىلەرىمەن اكادەميالىق ۇتقىرلىق شەڭبەرىندە ستۋدەنتتەر مەن پەداگوگتار الماسۋدىڭ حالىقارالىق باعدارلامالارىنا قاتىسۋ ءۇشىن جوعارى بىلىكتى كادرلاردى دايارلاۋ جونىندەگى بايلانىستاردى ودان ءارى نىعايتۋعا ىقپال ەتۋدە. جوبا اياسىندا كوللەدج، Janser Consult GmbH كوپسالالى كونسالتينگتىك كومپانياسى جانە گەرمانيادان كەلگەن جۇمىس بەرۋشىلەر – IHK Magdeburg كاسىپتىك ءبىلىم بەرۋ ءبولىمىنىڭ باسشىسى، Ib Mitte gGmbH كومپانياسىنىڭ گەرمانيانىڭ ورتالىق ديرەكتورى، Hans Kupfer GmbH وتباسىلىق كاسىپورنىنىڭ وڭىرلىك ديرەكتورى، Sitex GmbH ديرەكتورىنىڭ ورىنباسارى – اراسىندا ىنتىماقتاستىق تۋرالى ءۇشجاقتى مەموراندۋمعا قول قويىلدى.
ءوزارا ىنتىماقتاستىق تۋرالى مەموراندۋم اياسىندا 2025 جىلدىڭ قاڭتار ايىنان باستاپ گەرمانيا كومپانياسىنا 4-كۋرستىڭ 20 ستۋدەنتىن وندىرىستىك پراكتيكادان ءوتۋ ءۇشىن، ال كوللەدجدىڭ 11 تۇلەگىن جۇمىسقا ورنالاستىرۋ ءۇشىن جىبەرۋ جوسپارلانۋدا.
2025 – «جۇمىسشى ماماندىقتار جىلى» ءبىز ءۇشىن ۇلكەن مۇمكىندىكتەر جىلى دەپ بىلەمىز. باستى ماقساتىمىز – ەل نارىعىنىڭ وسۋىنە، ەلىمىزدىڭ دامۋىنا ۇلەس قوساتىن باسەكەگە قابىلەتتى، ناعىز ءوز ءىسىنىڭ شەبەرى بولىپ تابىلاتىن ءجۇمىسشى ماماندار دايارلاۋ!