مەملەكەت باسشىسى قاسىم-جومارت توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا 2025 جىلدى «جۇمىسشى ماماندىقتارى جىلى» دەپ جاريالاعانى بارشاعا بەلگىلى. قوعامدى الەۋمەتتىك-ەكونوميكالىق جاڭعىرتۋدا كاسىپتىك تەحنيكالىق ءبىلىم بەرۋ سالاسىنىڭ ماڭىزى وراسان زور. سەبەبى، تەحنيكالىق جانە كاسىپتىك ءبىلىم بەرۋ جۇيەسى ەڭبەك نارىعىنىڭ تالاپتارىنا جانە ەل ەكونوميكاسىنىڭ قاجەتتىلىكتەرىنە سايكەس باسەكەگە قابىلەتتى كادرلاردى دايارلايدى.
الماتى كولىك جانە كوممۋنيكاسيالار كوللەدجى ەلىمىز بويىنشا تەمىرجول ماماندارىن دايارلايتىن وقۋ ورىندارىنىڭ ءبىرى جانە بىرەگەيى. كوللەدجىمىزدى بىتىرگەن تۇلەكتەرىمىز ەلىمىزدىڭ ەكونوميكاسىنىڭ دامۋىنا ءوز ۇلەستەرىن قوسىپ كەلەدى. 95 جىلدىق تاريحى بار كوللەدجىمىز بۇگىنگى تاڭدا تەمىرجول سالاسىنا 7 ماماندىق بويىنشا ورتا ارناۋلى كاسىبي جانە جۇمىسشى ماماندارىن دايارلايدى. كوللەدجىمىزدە ستۋدەنتتەر جۇمىسشى ماماندىقتارى بويىنشا تەگىن ءبىلىم الىپ قانا قويماي، ءبىر ۋاقىت ىستىق تاعاممەن قامتاماسىز ەتىلگەن. ماماندار دايارلاۋعا ارنالعان مەملەكەتتىك تاپسىرىس جىل سايىن ايتارلىقتاي ۇلعايتىلىپ كەلەدى.
الماتى كولىك جانە كوممۋنيكاسيالار كوللەدجىندە دۋالدى وقىتۋ جۇيەسى كەڭ قولدانىس تاپقان. بۇل جۇيە ستۋدەنتتەرگە تەك ءبىلىم عانا ەمەس، ناقتى ءوندىرىس تاجىريبەسىن دە الۋعا مۇمكىندىك بەرەدى. دۋالدى وقىتۋ ارقىلى كوللەدج تۇلەكتەرى ەڭبەك نارىعىندا سۇرانىسقا يە بولادى، ولاردىڭ بولاشاقتا جۇمىسقا ورنالاسۋ مۇمكىندىكتەرى جوعارىلايدى. بۇل جۇيە بويىنشا مامانداردى ەڭبەك نارىعىنا دايارلاۋدىڭ ءتيىمدى جولدارىن الەۋمەتتىك سەرىكتەستەرمەن بىرلەسە وتىرىپ جۇزەگە اسىرىپ كەلەمىز. مۇنىڭ ءبىرقاتار ارتىقشىلىقتارىن اتاپ وتۋگە بولادى. ەڭ الدىمەن، تەوريا مەن پراكتيكانىڭ ۇيلەسىمى. ستۋدەنتتەر وقۋ بارىسىندا تەك لەكسيالار مەن سەمينارلارعا قاتىسىپ قانا قويماي، ءارتۇرلى كاسىپورىندار مەن وندىرىستىك ورىنداردا تاجىريبە جيناقتايدى. كوللەدج سەرىكتەس كاسىپورىندارمەن كەلىسىم-شارتتار جاساسىپ، ستۋدەنتتەرگە ناقتى ءوندىرىس ورىندارىندا تاجىريبەدەن ءوتۋ مۇمكىندىگىن بەرەدى.
ەكىنشى ءبىر ارتىقشىلىق، ەڭبەك نارىعىندا باسەكەگە قابىلەتتىلىك. وقۋعا تۇسكەن كۇننەن باستاپ، ديپلوم العانعا دەيىن تەمىرجول سالاسىنىڭ بارلىق باعىتتاعى ماماندىقتارىنا سايكەس تاجىريبە جيناقتاعان تۇلەك تەك ديپلوم الىپ قانا قويماي، جۇمىس بەرۋشىلەردىڭ تالاپتارىنا ساي ناقتى كاسىبي داعدىلارعا يە بولادى.
ءۇشىنشى ارتىقشىلىق – ءبىتىرۋشى تۇلەكتەردىڭ جۇمىسقا ورنالاسۋ مۇمكىندىگى. ستۋدەنتتەرىمىز ءبىر ءوندىرىس ورنىندا بىرنەشە جىل تاجىريبەدەن وتكەن سوڭ، سول كاسىپورىنداردا جۇمىسقا ورنالاسۋ مۇمكىندىگى بۇگىنگى تاڭدا جوعارى دەڭگەيدە.
دۋالدى وقىتۋ جۇيەسىن جۇزەگە اسىرۋ اياسىندا كوللەدج بەن ءبىرقاتار ءىرى كولىك جانە كوممۋنيكاسيا سالاسىنداعى كاسىپورىندار اراسىندا ىنتىماقتاستىق باعدارلارى جاسالعان. ولاردىڭ قاتارىندا تەمىرجول، لوگيستيكا جانە بايلانىس قىزمەتىن كورسەتەتىن مەكەمەلەر بار. اتاپ ايتساق: «قازاقستان تەمىرجولى» ۇلتتىق كومپانياسىنىڭ الماتى جۇك تاسىمالى بولىمشەسى، الماتى ماگيسترالدىق جەلى بولىمشەسى، الماتى ۆاگون پايدالانۋ دەپوسى، الماتى لوكوموتيۆ پايدالانۋ دەپوسى، الماتى جول ديستانسياسى، الماتى ەلەكترمەن جابدىقتاۋ ديستانسياسى، الماتى بەلگى بەرۋ جانە بايلانىس ديستانسياسى، «ۆاگونسەرۆيس» اق الماتى فيليالى؛ «شىڭعار ترانس» ج ش س، «الماتى مەتروپوليتەنى» مقم، «TransCom» Transport Group جانە «Almatylift» ج ش س كومپانيالارىمەن كەلىسىم-شارتتار جاسالىنىپ ستۋدەنتتەرىمىزگە وندىرىستىك تاجىريبەدەن وتۋگە جاعداي جاسالعان.
بۇل كاسىپورىندار ستۋدەنتتەرگە تاجىريبەدەن وتۋگە مۇمكىندىك بەرەدى جانە بولاشاقتا تۇلەكتەردى جۇمىسقا قابىلداۋعا دا دايىن.
جۇمىسشى ماماندىعىنىڭ مارتەبەسىن ارتتىرۋ، وندىرىستىك جانە تەحنولوگيالىق وسۋىنە، كاسىبي بىلىكتىلىكتى ايقىنداۋعا جانە كادرلار دايارلاۋ جۇيەسىن دامىتۋعا ىقپال ەتەتىن WorldSkills كاسىبي شەبەرلىك چەمپيوناتىنا كوللەدج ستۋدەنتتەرى جىل سايىن بەلسەندى قاتىسادى.
الماتى قالاسى اكىمدىگىنىڭ جانە الماتى قالاسى ءبىلىم باسقارماسىنىڭ قولداۋىمەن بۇگىنگى تاڭدا كاسىپتىك تەحنيكالىق ءبىلىم سالاسىنا اسا ءمان بەرىلىپ، شەتەلدەرمەن تاجىريبە الماسۋعا قولداۋ كورسەتىلۋدە. ماقسات – كاسىپتىك تەحنيكالىق ءبىلىم بەرۋ سالاسىنداعى وقىتۋشىلاردىڭ كاسىبي دەڭگەيىن كوتەرۋ، ستۋدەنتتەرگە ءبىلىم بەرۋ ساپاسىن جاقسارتۋ بارىسىندا قاجەتتى ماتەريالدار جيناقتاۋ جانە ءبىلىم بەرۋ باعدارلامالارىنا جاڭاشىلدىقتار ەنگىزۋ.
قورىتا ايتقاندا، كوللەدجىمىزدە ءبىلىم بەرۋ ساپاسىن ارتتىرۋ، وقۋشىلارىمىزدىڭ كاسىبي بىلىكتىلىگىن دامىتۋ جانە جۇمىسقا ورنالاسۋ مۇمكىندىكتەرىن كەڭەيتۋ باعىتىنداعى جۇمىستاردى جوعارى دەڭگەيدە جالعاستىرۋ جوسپارلانعان.