ق ر پرەزيدەنتى قاسىم-جومارت كەمەل ۇلى توقايەۆ «ادىلەتتى قازاقستان: زاڭ مەن ءتارتىپ، ەكونو-ميكالىق ءوسىم، قوعامدىق وپتيميزم» اتتى جولداۋىندا 2025 جىلدى «جۇمىسشى ماماندىقتارى جىلى» دەپ جاريالاعانى بەلگىلى. مەملەكەت باسشىسى جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتاۋ كەرەكتىگىن اتاپ كورسەتكەن بولاتىن.
قوعامداعى ەڭبەكقورلىق، كاسىبيلىك سياقتى قاسيەتتەر جوعارى باعالانۋعا ءتيىس. بۇگىنگى تاڭدا ەلىمىزدەگى 770-تەن استام كوللەدجدە ءتۇرلى جۇمىسشى كادرلار دايارلانىپ جاتىر. بۇل باستاما قاراپايىم ەڭبەك ادامدارىنا كورسەتىلگەن ۇلكەن قولداۋ مەن قامقورلىق دەپ بىلەمىن.
الماتى تەحنولوگيا-ەكونوميكالىق كوللەدجى («اتەك» ج ش س) جەڭىل ونەركاسىپ، بيزنەس جانە قىزمەت كورسەتۋ سالاسىندا سۇرانىسقا يە «تىگىن ءوندىرىسى جانە كيىمدەردى ۇلگىلەۋ» («تىگىنشى» بىلىكتىلىگى)، «تاماقتاندىرۋدى ۇيىمداستىرۋ» («كونديتەر-بەزەندىرۋشى» جانە «اسپاز» بىلىكتىلىگى)، «ءقوناقۇي بيزنەسى» («اكىمشى» بىلىكتىلىگى)، «نان ءپىسىرۋ، ماكارون جانە كونديتەر ءوندىرىسى» («ناۋبايشى» بىلىكتىلىگى) ماماندىقتارى بويىنشا جۇمىسشى كادرلاردى دايارلاپ كەلەدى. بۇگىندە كوللەدجدە 2000-نان استام جاس ءبىلىم الۋدا. ونىڭ 700-گە جۋىعى – بولاشاق بىلىكتى جۇمىسشى كادرلار. وقۋ ورنى زامان تالابىنا ساي وقۋ كابينەتتەرىمەن، زەرتحانالارمەن، تەحنيكالىق وقۋ قۇرالدارىمەن جابدىقتالعان. بۇل تالاپكەرلەر مەن ءبىلىم الۋشىلاردىڭ اتالعان ماماندىقتارعا دەگەن قىزىعۋشىلىعىن ارتتىرارى ءسوزسىز.
«اتەك» «دۋالدى وقىتۋ» بويىنشا مەملەكەتتىك تاپسىرىس شەڭبەرىندە بىلىكتى جۇمىسشى كادرلاردى كاسىپورىندارعا دايارلاۋ جۇيەسىن ىسكە اسىرۋدا. كوللەدجىءمىز جۇمىس بەرۋشىلەر مەن جۇمىسشى كادرلاردى بايلانىستىراتىن دانەكەر رەتىندە ءتۇرلى ءوندىرىس ورىندارىمەن ءونىمدى جۇمىس ىستەپ كەلەدى. سونىمەن قاتار، اتەك ءبىلىم الۋشىلارى جاس مامانداردىڭ نەگىزگى داعدىلارىن قالىپتاستىرىپ، ءبىلىمىن جەتىلدىرۋ ماقساتىندا ۇيىمداستىرىلاتىن WorldSkills چەمپيوناتتارىنا جىل سايىن ءداستۇرلى تۇردە قاتىسىپ، جۇلدەلى ورىندارعا يە بولىپ ءجۇر.
بولاشاق جۇمىسشى كادرلار نەنى ءبىلىپ، قانداي داعدىلاردى مەڭگەرۋى كەرەك؟ حالىقارالىق ستاندارتتار بويىنشا ماماندار جۇمىس بەرۋشى تالاپتارىنا ساي بولۋى قاجەت. كوللەدجدەر تاراپىنان جىل سايىن قانشاما مامان نارىققا شىعۋدا، ءبىراق بارلىعى بىردەي جۇمىس تاۋىپ كەتەدى دەگەن ءسوز ەمەس. ول ءۇشىن كاسىبيلىك تە تالاپ ەتىلەدى. الماتى تەحنولوگيا-ەكونوميكالىق كوللەدجىنىڭ باستى ماقساتى – جۇمىسشى كادرلارىمىزدىڭ ەڭبەك نارىعىندا سۇرانىسقا يە بولۋىنا ىقپال ەتۋ. وسىعان سايكەس، كادر دايارلاۋ ماسەلەسىندە وقۋ باعدارلاماسى ءوندىرىس قىزمەتكەرلەرىمەن بىرىگىپ دايىندالادى. بۇل ءوز كەزەگىندە ءونىمدى ەڭبەك ناتيجەسىن بەرۋدە.
ادال ءارى تاباندى ەڭبەگىمەن تابىسقا جەتكەن ادامدار قاشاندا سىي-قۇرمەتكە يە. پرەزيدەنتىمىز تۇجىرىمداعانداي، ەڭ باستىسى، «اركىم جاۋاپكەرشىلىكتى تەرەڭ سەزىنىپ، ءوز مىندەتىن ساپالى اتقارۋعا ءتيىس». دەمەك، قانداي دا ءبىر سالانى يگەرۋ ءۇشىن ادامعا ەڭبەك ەتۋ كەرەك. سوندا عانا ەلىمىز دامۋدىڭ داڭعىل جولىنا تۇسپەك. جۇمىسشى قادرلاردى قولداۋ ماقساتىندا الدا تالاي يگى باستامالاردىڭ جۇزەگە اساتىنىنا سەنىمىمىز مول. سەبەبى، ءوز كاسىبىن جەتىك مەڭگەرگەن ماماندار ۇلت ساپاسىن ارتتىرارى حاق.