2020 جىلدان باستاپ ەلىمىزدەگى ەلەكتروندىق ساۋدا كولەمى بەس ەسەگە ۇلعايعان.
قازاقستاندىقتار ونلاين-ساتىپ الۋعا 3،2 ترلن تەڭگە جۇمسادى، دەپ حابارلايدى aqshamnews.kz
قازاقستاندىقتار ونلاين-ساتىپ الۋعا كوبىرەك اقشا جۇمساي باستادى. 2024 جىلدىڭ 11 ايىنىڭ قورىتىندىسى بويىنشا ازاماتتار 3،2 ترلن تەڭگە جۇمسادى. مۇنداي دەرەكتەردى ەلەكتروندىق ساۋدانى دامىتۋ ماسەلەسى قارالعان ۇكىمەت وتىرىسىندا ساۋدا جانە ينتەگراسيا ءمينيسترى ارمان شاققالييەۆ كەلتىردى.
اتاپ ايتقاندا، ۆەدومستۆو باسشىسى 2020 جىلدان باستاپ ەلىمىزدەگى ەلەكتروندىق ساۋدا كولەمى بەس ەسەگە ۇلعايعانىن حابارلادى. الايدا، بۇل ءالى دە الەمدىك ورتاشا دەڭگەيدەن تومەن. دەسە دە، جاستار سانىنىڭ كوپتىگىن، فينتەحتىڭ دامۋىن، ينتەرنەتتىڭ قولجەتىمدىلىگىن جانە قولما-قول اقشاسىز ەسەپ ايىرىسۋدىڭ كەڭ تارالۋىن ەسكەرە كەلگەندە، قازاقستاندا ينتەرنەت-ساۋدانى دامىتۋدىڭ جوعارى الەۋەتى بار.
2029 جىلعا قاراي ەلەكتروندىق ساۋدا كورسەتكىشىن ءۇش ەسەگە ۇلعايتۋ جانە ونى 9،3 ترلن تەڭگەگە دەيىن جەتكىزۋ جوسپارلانىپ وتىر. بۇل سالانى ىلگەرىلەتۋ ءۇشىن ۇكىمەت ونلاين-كوممەرسيانى دامىتۋ جوسپارىن قابىلدادى. ول ەلەكتروندىق ساۋدا ماسەلەلەرى بويىنشا زاڭنامانى جەتىلدىرۋدى، ەلىمىزدىڭ بارلىق وڭىرلەرىندە ەلەكتروندىق ساۋدانى وقىتۋ كۋرستارىن ىسكە قوسۋدى، كاسىپكەرلەر ءۇشىن ەلەكتروندىق ساۋدادا مەملەكەتتىك قولداۋدىڭ قارجىلىق شارالارىن ەنگىزۋدى كوزدەيدى.