كەشە KASE يندەكسى، قازاقستاننىڭ قور نارىعىن بىلدىرەتىن ينديكاتور 5516،65 كورسەتكىشىنە جەتىپ، جاڭا تاريحي رەكورد ورناتتى.
بۇل يندەكس تاريحىنداعى ەڭ جوعارى دەڭگەي. Kapital.kz مالىمەتى بويىنشا، ءوسۋدىڭ نەگىزگى قوزعاۋشى كۇشتەرى بانكتىك جانە مۇناي-گاز سەكتورلارىنداعى كومپانيالاردىڭ اكسيالارى بولدى: بسك اكسيالارى 3،0%-عا، حالىق بانكى 1،4%-عا، كمگ 2،4%-عا، ال كازترانسويل 2،7%-عا ءوستى، دەپ حابارلايدى aqshamnews.kz
سونىمەن قاتار، اعىمداعى جىلدىڭ توعىز ايىندا كوك فيشكالاردىڭ وپەراسيالىق جانە قارجىلىق ناتيجەلەرىنىڭ وڭ اسەرى جەرگىلىكتى ينۆەستورلاردى بەلسەندى تۇردە ساتىپ الۋعا ىنتالاندىرعان بولۋى مۇمكىن.
ەكسپورتقا باعىتتالعان سالالارعا، اسىرەسە مۇناي-گاز كومپانيالارىنا قاتىستى، اكسيالاردىڭ ءوسۋى تەڭگەنىڭ السىرەۋىمەن بايلانىستى بولۋى مۇمكىن. بۇل فاكتور ولاردىڭ ەكسپورتتىق تابىستارىن ارتتىرادى.
وسى جىلدىڭ باسىنان باستاپ KASE يندەكسىنىڭ نومينالدى ءوسىمى 31،7%-دى قۇرادى، بۇل ينفلياسيانى ەسكەرگەننىڭ وزىندە ايتارلىقتاي ءوسۋ ەكەندىگىن كورسەتەدى.