باتىس قازاقستان وبلىسى شىڭعىرلاۋ اۋدانىنىڭ پروكۋراتۋراسى سۋبسيديا بەرۋ كەزىندە زاڭدىلىقتىڭ ساقتالۋىن تالداۋ ناتيجەلەرى بويىنشا 20 ميلليوننان استام تەڭگە كولەمىندە بيۋدجەت قاراجاتىن تەرىس پايدالانۋ فاكتىلەرىن انىقتادى، دەپ حابارلايدى aqshamnews.kz
ماسەلەن، 25.12.2021ج. شارۋا قوجالىعى 442 اسىل تۇقىمدى قوي ساتىپ الۋعا ءوتىنىش بەرىپ، جالپى سوماسى 6 630 000 تەڭگە كولەمىندە سۋبسيديا العان.
تالداۋ بارىسىندا ءبىر جىلدىڭ ىشىندە اۋىلشارۋاشىلىعى جانۋارلارىن بىردەيلەندىرۋ جونىندەگى دەرەكقوردان كورسەتىلگەن مال ەسەپتەنشىعارىلعانى انىقتالدى. ال 15.03.2019ج. اۋىل شارۋاشىلىعى ءمينيسترىنىڭ بۇيرىعىمەن بەكىتىلگەن اسىل تۇقىمدىمال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ قاعيدالارىن بەكىتۋ تۋرالى ەرەجەگە سايكەس مال باسىنىڭ جىل بويى ساقتالۋى (مال شىعىنىنىڭ زووتەحنيكالىق نورماسىن قوسپاعاندا) قامتاماسىز ەتىلۋى مىندەتتەلگەن.
وسىنىڭ سالدارىنان مەملەكەتكە 6 630 000 تەڭگە كولەمىندەگى ماتەريالدىق شىعىن كەلتىرىلدى.
زاڭدى بۇزۋ فاكتىلەرى بويىنشا قۇزىرەتتى ورگانعا ءتيىستى قاداعالاۋ اكتىسى ەنگىزىلدى. قازىرگى ۋاقىتتا پروكۋراتۋرانىڭ ۇسىنۋى بويىنشا مەملەكەتكە 14،7 ميلليون تەڭگە قايتارىلدى، قالعان سومانى ءوندىرۋ اتقارۋشىلىق ءىس جۇرگىزۋ تارتىبىندە جۇرگىزىلۋدە.