اۋىل شارۋاشىلىعى ءمينيسترى ايداربەك ساپاروۆ كارتوپ باعاسىن تومەندەتۋ ءۇشىن قانداي شارالار قولعا الىنعانىن ايتتى، دەپ حابارلايدى aqshamnews.kz
بيىل مينيسترلىك ۇيىمداسقان شارۋاشىلىقتاردا كارتوپ القاپتارىن كوبەيتۋدى جوسپارلاپ وتىر.
"جەكە شارۋاشىلىقتاردا ەمەس، ۇيىمداسقان شارۋاشىلىقتاردا كارتوپ ءوسىرۋ كولەمى 9 مىڭ گەكتارعا ارتادى. سوندىقتان بيىل كارتوپقا قاتىستى پروبلەما بولمايدى دەپ ويلايمىن، باعاسى دا تومەندەيدى"،-دەدى ساپاروۆ ۇكىمەتتە وتكەن بريفينگتە.
ال اۋىل شارۋاشىلىعى ۆيسە-مينيسترى ازات سۇلتانوۆتىڭ ايتۋىنشا، قوسىمشا كارتوپ القاپتارىنىڭ ءونىمى كۇزگە قاراي جينالادى. سول كەزدە باعا ءتۇسۋى كەرەك.
"ماسەلەن، بىلتىر كارتوپتىڭ باعاسى 100 تەڭگە بولدى. بيىل 120-130 تەڭگەدەن باستادىق. ەندى ءبارى نارىققا بايلانىستى عوي. دەگەنمەن كارتوپتىڭ باعاسى الەۋمەتتىك وسال توپتار ساتىپ الا الاتىنداي دەڭگەيدە بولادى. وعان قوسا، تۇراقتاندىرۋ قورلارى بار. وسىلايشا، ءبىز كارتوپتىڭ تۇراقتى باعاسىن ۇستايمىز"، - دەپ تۇيىندەدى سۇلتانوۆ.