ساۋدا قورىتىندىسى بويىنشا 43 بىرلىك مۇلىك، ونىڭ ىشىندە كادەسىيلىق مونەتالار، قىلىشتار جانە باسقا دا اكتيۆتەر، جالپى 10 ملن تەڭگەدەن استام سوماعا ساتىلدى، دەپ حابارلايدى aqshamnews.kz
15 تامىزدا ەلەكتروندىق E-Qazyna پلاتفورماسى ارقىلى كارىم ءماسىموۆتىڭ ۇيىنەن تاركىلەنگەن قىمبات زاتتار ساتىلدى.
وليگارح، جەمقورلاردان تاركىلەنگەن ساعاتتار 117 ميلليون تەڭگەگە ساتىلدى
ساۋدا
باستاپقى باعاسى – 7 ملن تەڭگە. لوتتاردىڭ قۇنىنىڭ ءوسۋى قاتىسۋشىلار تاراپىنان جوعارى قىزىعۋشىلىق پەن باسەكەلەستىك سيپاتتاعى ساۋدانى كورسەتەدى.
اۋكسيون
اۋكسيون اشىق ءارى ءادىل وتكىزۋ قاعيداتتارىنا سايكەس ۇيىمداستىرىلعان، بۇل بارلىق قاتىسۋشىلار ءۇشىن تەڭ قولجەتىمدىلىكتى قامتاماسىز ەتەدى. بەلگىلەنگەن تارتىپكە سايكەس، ساۋدا اياقتالعاننان كەيىن 10 جۇمىس كۇنى ىشىندە جەڭىمپازدار مەن ساتۋشى اراسىندا ساتىپ الۋ-ساتۋ شارتى جاسالادى. اكتيۆتەر تەك قاراجات تولىق كولەمدە ساتۋشىنىڭ شوتىنا تۇسكەننەن كەيىن عانا بەرىلەدى.
ساۋدادان تۇسكەن اقشا قايدا جۇمسالادى
ساتۋدان تۇسكەن قاراجات ارناۋلى مەملەكەتتىك قورعا اۋدارىلادى.
- بۇل قاراجات ءبىلىم بەرۋ، دەنساۋلىق ساقتاۋ، ينفراقۇرىلىم سالالارىنداعى الەۋمەتتىك ماڭىزى بار جوبالاردى قارجىلاندىرۋعا، سونداي-اق الەۋمەتتىك تۇرعىدان وسال توپتاعى ازاماتتاردى قولداۋعا باعىتتالادى، دەلىنگەن حابارلامادا.
انىقتاما
2023 جىلعى ساۋىردە سوت ءماسىموۆ پەن ونىڭ ورىنباسارلارىنا ۇكىم شىعاردى. ەكس-باسشى مەملەكەتكە وپاسىزدىق، بيلىكتى باسىپ الۋعا شاقىرۋ جانە قىزمەتتىك وكىلەتىن اسىرا پايدالانۋ باپتارى بويىنشا كىنالى دەپ تانىلدى. سوت ۇكىمى بويىنشا ول 18 جىلعا باس بوستاندىعىنان ايىرىلدى، مۇلكى تاركىلەنىپ، مەملەكەتتىك قىزمەتتە ءومىر بويى جۇمىس ىستەۋ قۇقىعىنان ايىرىلدى. بۇعان دەيىن پرەزيدەنت توقايەۆ ءماسىموۆتى كەشىرمەيتىنىن ايتقان.
2025 جىلعى اقپان ايىندا ءماسىموۆ دەنساۋلىعىنا بايلانىستى شارتتى تۇردە مەرزىمىنەن بۇرىن بوساتۋ تۋرالى ءۇش رەت ءوتىنىش بەرگەنى بەلگىلى بولدى.