كارىم ءماسىموۆتىڭ ەكس-ورىنباسارى قاماۋعا الىندى

داۋلەت ەرعوجين ۇستالدى.

ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ورىنباسارى داۋلەت ەرعوجين ۇستالدى، دەپ حابارلادى Almaty-akshamy.kz Inbusiness.kz سىلتەمە جاساپ.  

«ق.ماسىموۆكە، ا. سادىقۇلوۆقا جانە د. ەرعوجينگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. قىلمىستىق ىسكە «وتە قۇپيا» دەگەن بەلگى بەرىلدى»، - دەپ حابارلايدى ۇقك-نەن. 

قىلمىستىق-پروسەسسۋالدىق كودەكستىڭ 201-بابىنا سايكەس، سوتقا دەيىنگى تەرگەۋ دەرەكتەرى جاريالانبايدى.  

بۇعان دەيىن ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ پەن ونىڭ ورىنباسارى ءانۋار سادىقۇلوۆ قاماۋعا الىنعانى حابارلانعان.  

ءماسىموۆ 6 قاڭتاردا مەملەكەتكە «وپاسىزدىق جاسادى» دەگەن كۇدىككە ىلىنگەن.  13 قاڭتاردا ونىڭ ەكى ورىنباسارى - سادىقۇلوۆ پەن ەرعوجيننىڭ ۇستالعانى بەلگىلى بولدى. ولار «بيىكتى كۇشپەن باسىپ الماق بولدى»، «بيلىكتى جانە قىزمەتتىك وكىلەتتىكتى اسىرا پايدالاندى» دەگەن كۇدىككە ىلىنگەن.  

مەملەكەت باسشىسى قاسىم-جومارت توقايەۆ 11 قاڭتاردا پارلامەنت ماجىلىسىندە سويلەگەن سوزىندە ەلدەگى جاپپاي تارتىپسىزدىكتەر مەن تەرروريستەردىڭ اگرەسسيالىق اكتىلەرى كەزىندە ارنايى قىزمەتتىڭ جۇمىسىن سىنعا الدى. پرەزيدەنتتىڭ اقپاراتى بويىنشا، ەلىمىزدىڭ كەيبىر وڭىرلەرىندە ۇقك دەپارتامەنتتەرىنىڭ باسشىلارى اسكەري ارسەنال جەتكىلىكتى بولا تۇرا ۇرىسقا كىرمەي، قىزمەتتىك عيماراتتاردان شىعىپ، وندا قارۋ-جاراق پەن قۇپيا قۇجاتتامانى قالدىرىپ كەتكەن.