ەلدەگى كوشى-قون پروسەستەرىن رەتتەۋ بويىنشا 20-دان استام قىزمەت ەڭبەك جانە حالىقتى الەۋمەتتىك قورعاۋ مينيسترلىگىنە بەرىلدى. بۇل تۋرالى ىشكى ىستەر مينيسترلىگىنىڭ كوشى-قون قىزمەتى كوميتەتى ءتوراعاسىنىڭ ورىنباسارى سابىرجان سەيىتجانوۆ مالىمدەدى، دەپ حابارلايدى اlmaty-akshamy.kz
ونىڭ سوزىنە سۇيەنسەك، تاپسىرىلعان مىندەتتەردىڭ ىشىندە «حالىقتىڭ كوشى قون سالاسىندا ۆەدومستۆوارالىق ۇيلەستىرۋ»، «كوشى-قون پروسەستەرىنىڭ مونيتورينگى»، «بوسقىندارمەن جۇمىس»، «پانا ىزدەۋشىگە كۋالىك بەرۋ»، «بوسقىن مارتەبەسىن تاعايىنداۋ، ونى ۇزارتۋ نەمەسە توقتاتۋ» فۋنكسيالارى دا بار. ال شەتەلدىكتەرگە جۇمىس ىستەۋ رۇقساتىن جەرگىلىكتى اتقارۋشى ورگاندار ۇسىنادى.
ۇسىنۋ ءتارتىبىن ەڭبەك جانە حالىقتى الەۋمەتتىك قورعاۋ مينيسترلىگى ايقىندايدى. دەگەنمەن بوسقىندار مەن ەڭبەك ميگرانتتارىنىڭ ەل اۋماعىنا كىرۋ جانە قالۋ ەرەجەسى ىشكى ىستەر مينيسترلىگىنىڭ باقىلاۋىندا بولماق.
– ەڭبەك جانە حالىقتى الەۋمەتتىك قورعاۋ مينيسترلىگىنىڭ بوسقىندارمەن جۇمىسى نەگىزىنەن بۇلارعا الەۋمەتتىك كومەك كورسەتۋگە، مەديسينالىق قىزمەت كورسەتۋگە جانە ءبىلىم بەرۋگە باعىتتالاتىن بولادى. بوسقىندارمەن جۇمىس ىستەۋ كەزىندە بۇۇ بوسقىندار ءىسى جونىندەگى جوعارعى كوميسسار باسقارماسى، حالىقارالىق كوشى-قون ۇيىمى سياقتى بۇقارالىق قۇرىلىمدارمەن، ۇكىمەتتىك ەمەس ۇيىمدارمەن ءوزارا تىعىز ءىس-قيمىل جۇرگىزىلەدى، - دەيدى ق ر ءىىم كوشى-قون قىزمەتى كوميتەتى ءتوراعاسىنىڭ ورىنباسارى سابىرجان سەيىتجانوۆ.