ءىس اياقتالدى.
ماجىلىستە باس پروكۋروردىڭ ورىنباسارى اسەت چيندالييەۆ جۋرناليستەردىڭ كارىم ماسىموۆكە قاتىستى سۇراقتارىنا جاۋاپ بەردى، دەپ حابارلايدى Almaty-akshamy.kz Inbusiness.kz cىلتەمە جاساپ.
«ءىستى ۇقك تەرگەپ جاتىر، قۇپياعا جاتقىزىلدى. ماتەريالداردى تاراتۋعا بولمايدى. ءىستىڭ ءمان-جايىن بىلەتىن بىرنەشە پروكۋرورلار عانا بار. بۇل ءىس بويىنشا كۇدىكتىلەردىڭ بارلىعى قاماۋدا، ەشكىم ەشقايدا قاشىپ كەتكەن جوق. ءىس اياقتالدى، ءىس ماتەريالدارىن زەردەلەۋ باستالدى. ىسپەن تانىسۋ ءۇشىن ەشقانداي پروسەسسۋالدىق شەكتەۋ قويعان جوقپىز»، - دەدى ول.
سونداي-اق، تىلشىلەر ودان جاقىندا سوت ۇكىمى شىققان قايرات ساتىبالدىعا قاتىستى ءىس تۋرالى دا سۇرادى.
«بۇل ءىستى سىبايلاس جەمقورلىققا قارسى ءىس-قيمىل اگەنتتىك تەرگەدى. سوت "قازاقتەلەكوم" مەن "ستس" بويىنشا ەكى ەپيزودتى عانا قارادى. قازىرگى ۋاقىتتا باسقا دا ىستەر تەرگەلۋدە. ەكونوميكالىق سۇراقتار قاراستىرىلادى. ول شارتتى تۇردە مەرزىمىنەن بۇرىن بوساتىلۋى مۇمكىن. بۇل ەرەجە تەرروريستىك قىلمىستار سياقتى اۋىر قىلمىس جاساعانداردان باسقا بارلىق جاعدايدا قولدانىلادى»، - دەدى چيندالييەۆ.