كلاسسيكالىق مۋزىكا جاۋھارلارىن كوپكە تانىستىردى.
قازاق مادەنيەتىنىڭ قارا ورداسى – قازاقكونسەرت ۇجىمى الماتىعا ىس-ساپارمەن كەلدى. 1 ايلىق رەپەرتۋارىندا ءار جانردى قامتىعان كونسەرتتىك بىرلەستىك كۇنى كەشە كلاسسيكالىق مۋزىكا جاۋھارلارىن كوپكە تانىستىردى، دەپ حابارلايدى Almaty-akshamy.kz Almaty.tv سىلتەمە جاساپ.
«الماتىداعى التىن كۇز «قازاقكونسەرتپەن» بىرگە». 1 ايعا جالعاساتىن مادەني ءىس-شارالاردىڭ جالپى اتاۋى وسى. فەستيۆال شىمىلدىعى 25-قازاندا ءداستۇرلى مۋزىكا كونسەرتىمەن اشىلعان ەدى.
«ءبىز گاسترولگە العاش شىقتىق. الماتى – مادەنيەت ورتالىعى. سودان بولار، وزىمىزگە ەرەكشە. تولقىپ تۇرعانىمىز سەزىلىپ تۇرعان بولار»، – دەدى كومپوزيتور، ق ر ەڭبەك سىڭىرگەن قايراتكەرى سەرىك ەركىنبەكوۆ.
«اسەردى حالىققا جەتكىزە ءبىلدىم دەپ ويلايمىن. ۇلكەن جوبالارعا، كەرەمەت كونسەرتتەرگە قاتىسۋعا مۇمكىندىك بەرىپ جاتقان، جاستارعا جول اشىپ جاتقان قازاقكونسەرت مەملەكەتتىك ۇيىمىنا العىسىمىز شەكسىز»، – دەدى ر. باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىنىڭ ءسوليسى ايگەرىم التىنبەك.
كەشتە كلاسسيكا جانرىنىڭ الەمدىك جاۋھارلارىنان بولەك، وتاندىق كومپوزيتورلاردىڭ تىرناقالدى تۋىندىلارى ورىندالدى. كونسەرتتە ونەر كورسەتكەندەردىڭ قاتارىندا جاس ءارى تالانتتى سوليستەردەن بولەك، ەلدەگى ەڭ تانىمال كامەرالىق-اسپاپتىق ءانسامبلى دە بار.
«الماتى «قازاقكونسەرتتىڭ» ارتىستەرىن ساعىنىپ قالىپتى. سونى ەندى مۋزىكانى، رۋحاني بايلىقتى ەلگە، حالىققا جەتكىزۋ - ەڭ باستى ماقسات، سول مۋزىكانى دارىپتەۋ»، – دەدى ر. باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىنىڭ ءبولىم باسشىسى ازامات جىلتىركوزوۆ.
ايتا كەتەيىك، الماتىدا تۇڭعىش رەت ۇيىمداستىرىلعان فەستيۆال 29 قازانعا دەيىن جالعاسادى.