اتالعان شارا «France Football» جۋرنالىنىڭ ۇيىمداستىرۋىمەن وتكىزىلىپ كەلەدى
فۋتبولدان 2022 جىلعى «التىن دوپ» يەگەرى انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل اتاققا بيىل يسپانيانىڭ «رەال مادريد» جانە فرانسيا قۇراماسىنىڭ شابۋىلشىسى كاريم بەنزەما قول جەتكىزدى.
اتالعان شارا «France Football» جۋرنالىنىڭ ۇيىمداستىرۋىمەن وتكىزىلىپ كەلەدى.
مۇنداي ماراپاتقا يە بولۋ ءۇشىن فۋتبولشىلاردىڭ 2021 جىلعى 31 تامىز جانە 2022 جىلعى 31 تامىز ارالىعىنداعى تابىستارى نازارعا الىنىپ وتىر. ۇزدىك ويىنشىنى انىقتاۋعا FIFA رەيتينگى بويىنشا العاشقى 100 ورىندا تۇرعان ەلدەردىڭ جۋرناليستەرى داۋىس بەرۋگە مۇمكىندىك الدى.
قازىرگە دەيىن يوحان كرويف، ميشەل پلاتيني، ماركو ۆان باستەن، كريشتيانۋ رونالدۋ، ليونەل مەسسي سەكىلدى ۇزدىك ويىنشىلار مۇنداي مارتەبەگە ءۇش رەت يە بولدى. ال ماراپاتقا 2 رەت قول جەتكىزگەن جۇلدىزدار قاتارىندا الفرەدو دي ستەفانو، فرانس بەككەنباۋەر، كيەۆين كيگان، كارل-حاينس رۋممەنيگگە، رونالدو بار.
سونداي-اق، سالتاناتتى شارا بارىسىندا ايەلدەر اراسىنداعى «التىن دوپقا» يسپانيالىق «بارسەلونا» ساپىنان الەكسيا پۋتەلياس لايىقتى دەپ تانىلدى.
ال يسپانيا قۇراماسى مەن «بارسەلونا» ويىنشىسى گاۆي 21 جاسقا دەيىنگى ۇزدىك جاس فۋتبولشى اتاندى.
ال ليەۆ ياشين اتىنداعى «ۇزدىك قاقپاشى» نوميناسياسىنا «رەال مادريد» جانە بەلگيا قۇراماسىنىڭ قاقپاشىسى تيبو كۋرتۋا يە بولدى.
ەسكە سالساق، 2021 جىلى ليونەل مەسسي «التىن دوپ» يەگەرى اتانعان بولاتىن.