ۇشاق بورتىندا تەمەكى شەككەنى ءۇشىن 2 قىزعا ايىپپۇل سالىنىپ، ولار رەيستەن ءتۇسىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«اۋە كەمەسىنىڭ بورتىندا تەمەكى شەككەنى ءۇشىن استانا قالاسىنىڭ 20 جاستاعى تۇرعىنى اكت بويىنشا «شارم-ەل-شەيح – استانا» باعىتىنداعى اۋە رەيسىنەن ءتۇسىرىلىپ، كولىك پوليسەيلەرىنە بەرىلدى. جاس قىز ق ر اكىمشىلىك قۇقىق بۇزۋشىلىق تۋرالى كودەكستىڭ 441-بابى 1-2-بولىگى بويىنشا اكىمشىلىك جاۋاپكەرشىلىككە تارتىلىپ، 50 ايلىق ەسەپتىك كورسەتكىش كولەمىندە ايىپپۇل سالىندى (153 150 تەڭگە)»، - دەلىنگەن پوليسيا حابارلاماسىندا.
ءمالىم ەتىلگەندەي، ءدال وسىنداي قۇقىق بۇزۋشىلىق جاساعانى ءۇشىن تاعى ءبىر قىز – ورال قالاسىنىڭ تۇرعىنى «ورال – الماتى» باعىتىنداعى اۋە رەيسىنەن تۇسىرىلگەن.
جالپى بيىلعى جىل باسىنان ەلىمىزدىڭ كولىك پوليسەيلەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن اۋە رەيسىنەن 379 ازاماتتى تۇسىرگەن. ونىڭ ىشىندە اۋە كەمەسىنىڭ بورتىندا تەمەكى ونىمدەرىن تۇتىنعانى ءۇشىن – 106، الكوگول ىشىمدىكتەرىن ىشكەنى نەمەسە قوعامدىق ورىنداردا ماس كۇيىندە بولعانى ءۇشىن 204 ادام جاۋاپقا تارتىلدى.