الماتىداعى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا كلينيكانىڭ جاڭارتىلعان قابىلداۋ بولىمشەسى اشىلدى. قىسقا مەرزىمدە كۇردەلى جوندەۋدەن وتكەن عيمارات زامان تالابىنا ساي جابدىقتالعان، دەپ حابارلايدى Almaty-akshamy.kz.
قابىلداۋ بولىمشەسى كەز كەلگەن اۋرۋحانانىڭ «بەت-بەينەسى» بولىپ سانالادى. پاسيەنتتىڭ كلينيكاعا تۇسكەن ساتىنەن باستاپ، كەزدەسەتىن ەڭ ماڭىزدى ءارى العاشقى بولىمشە.
24.kz مالىمەتى بويىنشا، كارديولوگيا جانە ىشكى اۋرۋلار ينستيتۋتى دارىگەرلىك كومەكتى جاقسارتۋعا ۇنەمى كوڭىل ءبولىپ كەلەدى. مىسالى، 2021 جىلى JCI - دەنساۋلىق ساقتاۋ سالاسىنداعى بەدەلدى حالىقارالىق سەرتيفيكاتقا يە بولدى. بۇل مەديسينالىق قىزمەت كورسەتۋدىڭ «التىن ستاندارتى» بولىپ سانالادى. ساپانى ءارى قاراي جاقسارتۋ ءۇشىن ەندى مىنە مىڭ شارشى مەتردەن اساتام قابىلداۋ بولىمىنە كۇردەلى جوندەۋ جاساپ وتىر.
- ناۋقاستارعا جاقسى كۇتەتىن قولايلى جانە جايلى ورىندار مەن ەلەكتروندىق كەزەك تەحنولوگيالارىن ەنگىزىپ جاتىرمىز. سونىمەن قاتار، ترياج جۇيەسى دە ەنگىزىلىپ، پاسيەنتتەر ساناتتارعا بولىنەتىن بولادى. ونىڭ ىشىندە جاڭاعى جاسىل، سارى جانە كوك زونالارعا بولىنەدى، - دەيدى س.اسفەندياروۆ اتىنداعى قازۇمۋ رەكتورى مارات شورانوۆ.
مۇندا ەلىمىزدىڭ بارلىق وڭىرىنەن پاسيەنتتەر كەلەدى. سوندىقتان ەلەكتروندىق كەزەك جۇيەسى قاجەت نارسە. بولىمدەگى تازالىق پەن جايلىلىق مەديسينالىق ۇيىم تۋرالى العاشقى اسەر قالدىرادى. تىڭ باستامالارعا ينستيتۋتتىڭ ۇجىمى دا ريزا.
- پاسيەنتتەرگە ءبىرىنشى كەزەڭنەن، كىرگەننەن-اق ەم الۋعا مۇمكىنشىلىك بولادى. كومفورتتى جاعدايدا وسىندا كەلگەندە كورىپ، ءبىزدىڭ دارىگەرلەر قۋانىشپەن قارسى الىپ جاتقاندا، ارينە، ول ەمگە ۇلكەن سەبەپ بولادى دەپ ويلايمىن، - دەيدى "كارديولوگيا جانە ىشكى اۋرۋلار" عزي ءبولىم مەڭگەرۋشىسى نۇرلان ابدىقالييەۆ.
ينستيتۋت - قازاقستانداعى كارديولوگيالىق، كارديوحيرۋرگيالىق جانە تەراپيالىق قىزمەتتەردىڭ جەتەكشى ورتالىعى. دارىگەرلەر عىلىمي زەرتتەۋلەر، ءبىلىم بەرۋ مەن كلينيكالىق پراكتيكانىڭ بىرلەسۋى ارقىلى ءاربىر پاسيەنتكە جوعارى دەڭگەيلى مەديسينالىق كومەك كورسەتۋگە ۇمتىلادى.