بيىل تەك 9 اۋىلعا عانا كوگىلدىر وتىن تارتىلادى.
الماتى وبلىسىندا 150-گە جۋىق اۋىلدا كوگىلدىر وتىن جوق، دەپ حابارلايدى Almaty-akshamy.kz
سونىمەن قاتار اۋىز سۋ تارتۋ جوبالارىنا دا باسا ءمان بەرىلەدى. اۋىز سۋمەن قامتاماسىز ەتۋگە 27 ملرد تەڭگەدەن استام قارجى قاراستىرىلعان، دەپ حابارلايدى Azattyq Ruhy.
ءوڭىر باسشىسى مارات سۇلتانعازييەۆ باستى مىندەتى - سۋمەن قامتاماسىز ەتۋ ەكەنىن ايتتى.
«ءقازىر حالىقتى اۋىز سۋمەن قامتۋداعى كورسەتكىش 92،7%-دى قۇراپ وتىر. بيىل 62 جوبانى ىسكە اسىرۋعا 27،8 ملرد. تەڭگە قاراستىرىلعان. جىل سوڭىنا قاراي سۋمەن قامتاماسىز ەتۋ دەڭگەيى 93،5% جەتەدى»، - دەدى مارات سۇلتانعازييەۆ.
اتالعان سالادان باسقا، وبلىس باسشىسى گازداندىرۋ مەن جولدى جاساۋ سەكىلدى ينفراقۇرىلىمدىق سالالاردى دامىتۋ وزەكتى ماسەلە ەكەنىن ايتتى.
«بۇگىنگى تاڭدا گازداندىرۋعا جاتاتىن 294 ەلدى مەكەننىڭ 147ء-سى گازداندىرىلدى. كوگىلدىر وتىنعا وبلىستىڭ 1 ملن 114 مىڭ تۇرعىنى قوسىلعان. بيىل تاعى 9 ەلدى مەكەندى قوسقاندا كورسەتكىش 69،4%-عا جەتەدى»، - دەدى اكىم.
ايماق باسشىسىنىڭ سوزىنشە، جىلدان-جىلعا جولداردىڭ ساپاسى جاقسارىپ كەلەدى. 2022 جىلى بارلىعى 731 شاقىرىم جول جوندەلدى. بيىل جول ينفراقۇرىلىمىن جاقسارتۋعا 48،5 ملرد. تەڭگە ءبولىندى. جىل سوڭىنا قاراي جاقسى جانە قاناعاتتانارلىق جاعدايداعى جول دەڭگەيى 91%-عا جەتەدى دەپ جوسپارلانىپ وتىر.