«الماتى مەكتەپتەرىندەگى KidsAthletics» جوباسى قالا مەكتەپتەرىنىڭ بازاسىندا ءۇشىنشى جىل قاتارىنان جۇمىس ىستەپ كەلەدى.
باعدارلاماعا قالانىڭ 8 اۋدانىنداعى 31 مەكتەپ قاتىسادى. بارلىق جالپى ءبىلىم بەرەتىن مەكتەپتىڭ وقۋشىلارى جەڭىل اتلەتيكامەن اينالىسا الادى، دەپ حابارلايدى Almaty-akshamy.kz.
وعان 6-16 جاس ارالىعىنداعى بالالار قابىلدانادى. جاتتىعۋ 1،5 ساعاتتان اپتاسىنا 3 رەت، جازدا دا وتەدى. جارىس ايىنا ەكى رەت وتكىزىلەدى. جاتتىعۋ مەن جارىس بارىسىندا بالالار كاسىبي سپورتقا جولداما الا الادى. 3 جىلدا 130 بالا وليمپيادالىق رەزەرۆ مەكتەبىنە (№2 بجمورم) اۋىستىرىلدى. تولىق اقپاراتتى الماتى قالاسى جەڭىل اتلەتيكا فەدەراسياسىنان +77019372525 تەلەفونى ارقىلى الۋعا بولادى.