قازاقستان رەسپۋبليكاسىنىڭ دەنساۋلىق ساقتاۋ مينيسترلىگى 15 قىركۇيەكتەن باستاپ ەلدە جالپىعا بىردەي ماسكا تاعۋ رەجيمى مەن كارانتين ەنگىزىلەتىنى تۋرالى ينتەرنەتتە تاراعان اقپاراتقا تۇسىنىكتەمە بەردى، دەپ حابارلايدى aqshamnews.kz
ۆەدومستۆونىڭ مالىمدەمەسىنە سايكەس، بۇل قاۋەسەتتەر شىندىققا سايكەس كەلمەيدى.
«قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ مىندەتىن اتقارۋشىنىڭ قاۋلىسىنا سايكەس، ەپيدەميالىق ماۋسىم كەزەڭىندە پروفيلاكتيكالىق جانە ەپيدەمياعا قارسى ءىس-شارالاردى جۇرگىزۋ كوزدەلگەن. 2024 جىلدىڭ 15 قىركۇيەگىنەن باستاپ تۇماۋعا قارسى ۆاكسيناسيا باستالادى. ماسكا رەجيمى تەك مەديسينالىق ۇيىمداردىڭ قىزمەتكەرلەرى ءۇشىن ەنگىزىلەدى،» — دەپ اتاپ ءوتتى مينيسترلىك.
مينيسترلىك كوروناۆيرۋس جاعدايى ەلدە تولىق باقىلاۋدا ەكەنىن مالىمدەدى.
سونىمەن قاتار، مينيسترلىك ماسكا رەجيمى تۋرالى جالعان اقپارات تاراتۋشىلارعا قاتىستى قۇقىق قورعاۋ ورگاندارىنا جۇگىنگەنىن حابارلادى. تامىز ايىنىڭ ورتاسىندا ماسكا رەجيمىن ەنگىزۋ جوسپارلانباعانى تۋرالى حابارلانعان بولاتىن.