الماتى پوليسياسى كامەلەتكە تولماعانداردى ساۋداعا سالۋ فاكتىسىن توقتاتتى، دەپ حابارلايدى aqshamnews.kz.
ق ر ءىىم باسپا ءسوز قىزمەتىنىڭ مالىمەتىنشە، الماتى وبلىسىندا ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى كامەلەتكە تولماعانداردىڭ زاڭسىز ساۋداسىنا كۇدىكتى قىلمىستىق توپتىڭ قىزمەتىن ءساتتى توقتاتتى.
5 تامىزدا الەۋمەتتىك جەلىدەگى «surak.baribar» پاراقشاسىندا كامەلەتكە تولماعاندار مەن جاڭا تۋعان سابيلەردى زاڭدى تۇردە اسىراپ الۋعا كومەكتەسەمىز دەگەن قىلمىستىق توپتىڭ ارەكەتى تۋرالى جەدەل اقپارات ءتۇستى. 28 تامىزدا جەدەل-ىزدەستىرۋ ءىس-شارالارى بارىسىندا قىزىلوردا وبلىسىنىڭ تۋماسى 38 جاستاعى كۇدىكتى انىقتالدى. كامەلەتكە تولماعانداردى ساتۋ دەرەگى بويىنشا قىلمىستىق ءىس قوزعالدى، – دەپ اتاپ ءوتتى الماتى وبلىسى پد باستىعى باۋىرجان الەنوۆ.
كۇدىكتى قاماۋعا الىنعان. قازىرگى ۋاقىتتا بارلىق قاجەتتى تەرگەۋ شارالارى جۇرگىزىلۋدە.