«كانەلونىڭ» باپكەرى گولوۆكينمەن بولاتىن كەزدەسۋگە قاتىستى مالىمدەمە جاسادى

ءبىزدىڭ بۇل جولعى جەڭىسىمىز سەنىمدى بولادى

مەكسيكالىق بوكسشى ساۋل «كانەلو» الۆارەستىڭ (57-2-2، 39 كو) باپكەرى ەددي رەينوسو قازاقستاندىق گەنناديي گولوۆكينمەن (42-1-1، 37 كو) وتەتىن ءۇشىنشى كەزدەسۋگە قاتىستى مالىمدەمە جاسادى، دەپ حابارلايدى Almaty-akshamy.kz قازاقپارات سىلتەمە جاساپ.

«كانەلو» بۇل جولى تەگەۋرىندى قارسىلىق كورسەتەدى. ول العاشقى راۋندتان باستاپ-اق گولوۆكيندى سوققىنىڭ استىنا الادى. ءبىز وسى قارقىندى ەكىنشى راۋندتا دا باسەڭدەتپەيمىز. ءسويتىپ جەڭىسكە جەتەمىز دەگەن ويدامىن. ءبىزدىڭ بۇل جولعى جەڭىسىمىز سەنىمدى بولادى، ءبىز وعان بارىمىزدى سالامىز جانە بۇرىنعىعا قاراعاندا بەلسەندىرەك ارەكەت ەتەمىز. ساۋل نوكاۋتپەن جەڭەدى دەگەن ۇمىتتەمىن»،-دەپ مالىمدەدى رەينوسو.

ايتا كەتەيىك، گولوۆكين-«كانەلو» كەزدەسۋى 17 قىركۇيەكتە لاس-ۆەگاستاعى «اقش» T-Mobile Arena-دا وتەدى. ەكى بوكسشىنىڭ العاشقى كەزدەسۋى 2017 جىلى ءوتىپ، ەكەۋى تەڭ تۇسكەن بولاتىن. الايدا بۇل جاعداي قالىڭ كوپشىلىك اراسىندا ۇلكەن داۋ تۋدىردى. 2018 جىلى ەكىنشى كەزدەسۋ ءوتىپ، تورەشىلەردىڭ شەشىمىمەن «كانەلو» جەڭىسكە جەتتى دەگەن شەشىم قابىلداندى.