ەكىنشى ورتا ساناتتاعى ءابسوليۋتتى الەم چەمپيونى ساۋل «كانەلو» الۆارەس گەنناديي گولوۆكيندى 17 قىركۇيەكتە وتەتىن تريلوگيانىڭ سوڭعى بولىگىندە مەرزىمىنەن بۇرىن جەڭۋگە بەل بۋعانىن مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«كانەلو» GGG-مەن شايقاستا مامىر ايىنداعى دميتريي بيۆولدان جەڭىلىسىن جۋىپ-شايىپ، ءوز ديۆيزيونىنداعى بارلىق نەگىزگى اتاقتاردى قورعاۋعا نيەتتى.
«مەن بۇل جەكپە-جەككە دايىنمىن. رينگكە شىعۋدى اسىعا كۇتەمىن. ءارقاشان قاپتالمەن جۇمىس ىستەيمىن ءارى كوپ جاتتىعامىن. بارلىق داعدىمدى كورسەتىپ، جۇمىسىمدى ورىنداعىم كەلەدى. باسقا بوكسشىلاردىڭ گولوۆكينمەن قالاي جۇدىرىقتاسقانىن كورگىم كەلمەيدى. ويتكەنى بۇل مۇلدەم باسقاشا. ءبىزدىڭ ءستيلىمىز ءارتۇرلى. مەن جاي عانا سول جەردە بولىپ، ءوز ءىسىمدى جاساعىم كەلەدى. مەن ءۇشىن بۇل جەكپە-جەكتى سەنىمدى تۇردە جەڭۋ وتە ماڭىزدى. جەڭىلىستەن كەيىن ماعان كۇشتى بولىپ ورالۋ ماڭىزدى. 12ء-شى راۋندقا دەيىن جەڭگىم كەلەدى. بۇل مەنىڭ ماقساتىم»، — دەدى «كانەلو» Fight Hub TV-عا بەرگەن سۇحباتىندا.