اشم مەن AMANAT پارتياسى كوكتەمگى ەگىس ناۋقانىن تالقىلادى.
اۋىل شارۋاشىلىعى ۆيسە-مينيسترى ازات سۇلتانوۆ AMANAT پارتياسى جانىنداعى اگرارلىق سەكتور ماسەلەلەرى جونىندەگى رەسپۋبليكالىق كەڭەس پەن AMANAT پارتياسىنىڭ پارتيالىق باقىلاۋ كوميتەتىنىڭ بىرلەسكەن وتىرىسىندا ءسوز سويلەدى.
اشم باسشىسىنىڭ ورىنباسارى اعىمداعى جىلى كوكتەمگى ەگىس جۇمىستارىن جۇرگىزۋ باسىمدىققا يە بولاتىنىن اتاپ ءوتتى. وسىنى ەسكەرە وتىرىپ، ءبىرىنشى كەزەكتە مينيسترلىك وبلىس اكىمدىكتەرىمەن بىرلەسىپ ەگىس القاپتارىنىڭ بولجامدى قۇرىلىمىن قالىپتاستىرعانىن جەتكىزدى. جالپى ەگىس القابى 24،1 ملن گەكتاردى قۇرايدى، بۇل 2023 جىلعى دەڭگەيدەن 5،2 مىڭ گەكتارعا ارتىق، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
اشم، سونداي-اق، جەمشوپ داقىلدارىنىڭ الاڭىن 62،5 مىڭ گەكتارعا (3 200 مىڭ گا) ۇلعايتۋدى جوسپارلاپ وتىر.
2024 جىلدىڭ ونىمىنە 2،4 ملن توننا تۇقىم قاجەت، ونىڭ 92% -ى 15 قاڭتارعا دەيىن سەبىلدى. فەرمەرلەر 2،2 ملن توننا كولەمىندە تۇقىم قورىن قۇردى: ساراپتاماعا 1،4 ملن توننا جازدىق داقىلدار تۇقىمى ءتۇستى. تەكسەرىلگەن تۇقىم كولەمىنىڭ 79،1% كونديسيالى دەپ تانىلدى جانە ەگىس ستاندارتىنىڭ 1 جانە 2 سىنىپتارىنا سايكەس كەلەدى. جالپى تۇقىم شارۋاشىلىعىن دامىتۋدى سۋبسيديالاۋعا 12،8 ملرد تەڭگە قاراستىرىلعان.
سونىمەن قاتار، 2024 جىلى شامامەن 718،8 مىڭ توننا تىڭايتقىش ەنگىزۋ جوسپارلانىپ وتىر، ونىڭ شامامەن 400 مىڭ تونناسى (56%) اممياك سەليتراسى جانە امموفوس سەكىلدى وتاندىق تىڭايتقىشتارعا تيەسىلى. مينەرالدى تىڭايتقىشتاردى سۋبسيديالاۋ باعدارلاماسىنا جەرگىلىكتى بيۋدجەتتەردە 32،5 ملرد. تەڭگە، پەستيسيدتەردى سۋبسيديالاۋعا 33،7 ملرد. تەڭگە باعىتتالعان.
اۋىل شارۋاشىلىعى قۇرىلىمدارىندا ەگىس ناۋقانىن جۇرگىزۋ ءۇشىن 149،8 مىڭ تراكتور، 4،9 مىڭنان استام ونىمدىلىگى جوعارى ەگىس كەشەنى، 76 مىڭ سەپكىش، 219 مىڭ توپىراق وڭدەۋ قۇرالدارى بار. اكىمدىكتەردىڭ مالىمەتىنشە، تەحنيكانىڭ دايىندىعى شامامەن 80% قۇرايدى، جاپپاي ەگىس جۇمىستارىنىڭ باستالۋىنا تەحنيكا 100% دايىن بولادى.
ازات سۇلتانوۆ قاتىسۋشىلاردى ءاشتو ارزانداتىلعان ديزەل وتىنىنىڭ قاجەتتى كولەمىمەن قامتاماسىز ەتەتىنىنە سەندىردى: ءقازىردىڭ وزىندە رەسپۋبليكا بويىنشا 340،0 مىڭ توننا جەڭىلدىكتى ديزەل وتىنىنىڭ قاجەتتىلىگىمەن جيىنتىق ءوتىنىم قالىپتاستىرىلىپ، ەنەرگەتيكا مينيسترلىگىنە جونەلتۋ كەستەسىن بەكىتكەن.
سونداي-اق، اشم وبلىس اكىمدىكتەرىمەن بىرلەسىپ، موز-دەن وڭىرلەرگە ارزانداتىلعان ديزەلدىك وتىن كولەمىن جونەلتۋ بويىنشا شارالار قابىلدايدى. ەنەرگەتيكا مينيسترلىگىنىڭ الدىن الا اقپاراتى بويىنشا، وتكەن جىلعى ەگىن جيناۋ جۇمىستارىنداعىداي ءاشتو ءۇشىن باعا 250 ت/ءليتردى قۇرايدى، بۇل نارىقتاعىدان 15% -عا تومەن.
ءاشتو-نى اينالىم قاراجاتىمەن قامتاماسىز ەتۋ ءۇشىن «كەڭ دالا» باعدارلاماسى بويىنشا كوكتەمگى ناۋقاندى قارجىلاندىرۋعا 140 ملرد تەڭگە قاراستىرىلعان، ول ارقىلى 3 200-دەن استام ءاشتو-نى قامتۋ جانە شامامەن 2 ملن گا القاپتا ەگىستى قامتاماسىز ەتۋ جوسپارلانعان.
ايتا كەتەيىك، وتكەن جىلى نەسيەنى ۇزارتقان اشتو-گە ايىپپۇل سانكسيالارى قولدانىلمايدى. فورۆاردتىق ساتىپ الۋ باعدارلاماسى جالعاسادى، بۇل كەم دەگەندە 194 اوك سۋبەكتىسىن قارجىلاندىرۋعا مۇمكىندىك بەرەدى.
«قۇرمەتتى ارىپتەستەر، ەگىس ناۋقانىن كەدەرگىسىز وتكىزۋ جانە وتكەن جىلداردىڭ تاجىريبەسى بويىنشا تۋىنداعان بارلىق ماسەلەلەردى جەدەل شەشۋ ماقساتىندا بارلىق مۇددەلى تاراپتاردىڭ قاتىسۋىمەن رەسپۋبليكالىق جەدەل شتاب قۇرىلادى، وندا پروبلەمالىق ماسەلەلەر مەن ولاردى شەشۋ جولدارى قارالاتىن بولادى»، - دەپ بايانداماسىن تۇيىندەدى ۆيسە-مينيستر.