الاتاۋ اۋدانىنىڭ پروكۋراتۋراسى اعىمداعى جىلدىڭ وتكەن كەزەڭىندە پروكۋرورلىق قاداعالاۋ اكتىسىن ەنگىزىپ ونىڭ قارالۋ ناتيجەسىندە كامەلەتتىك جاسقا تولماعان بەس ءجاسوسپىرىمنىڭ جالپى وقىتۋعا قاتىستى كونستيتۋسيالىق قۇقىقتارى قورعادى.
بۇل تۋرالى الماتى قالاسى الاتاۋ اۋدانى پروكۋراتۋراسىنىڭ ءبولىم پروكۋرورى قۋانىش ابيلماجينوۆا ايتتى، دەپ حابارلايدى Almaty-akshamy.kz.
اتاپ ايتقاندا، ولاردىڭ 2ء-ۋى جاسى كامەلەتكە تولماعانداردىڭ ءۇش جىلدان استام ۋاقىت وقۋ ورىندارىنا بارماعانى، انتيسانيتاريالىق جاعدايدا ۇستالعانى انىقتالدى.
قازاقستان رەسپۋبليكاسى نەكە (ەرلى-زايىپتىلىق) جانە وتباسى تۋرالى كودەكسىنىڭ تالاپتارىنا سايكەس بالالار ىرىكتەلىپ الىنىپ، الماتى قالاسىنىڭ بالالاردى قولداۋ ورتالىعىنا ورنالاستىرىلدى.
ولاردىڭ اتا-اناسىنا قاتىستى اتا-انا قۇقىقتارىن شەكتەۋ تۋرالى سوتقا تالاپ-ارىز جولداندى. سونىمەن قاتار 3 بالا جالپى ءبىلىم بەرۋ مەكتەبىنە ورنالاستىرىلدى. اتالعان ولقىلىقتارعا جول بەرگەن ءبىرقاتار لاۋازىمدى تۇلعالار جاۋاپكەرشىلىككە تارتىلدى. بۇل باعىتتاعى جۇمىس جالعاسۋدا.