وكق الاڭىندا قىزىلشا بويىنشا ەپيدەميولوگيالىق جاعدايعا ارنالعان باسپا ءسوز كونفەرەنسياسى ءوتتى. الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆ قالادا ۆاكسينالاردىڭ سانى جەتكىلىكتى بارىن اتاپ ءوتتى.
بريفينگ بارىسىندا ايتىلعان اقپاراتقا سايكەس، سك-فارماسيا ارقىلى قىزىلشاعا قارسى ۆاكسيناسيا جۇرگىزۋ ءۇشىن ككپ ۆاكسيناسىنىڭ 128 300 دوزاسى ساتىپ الىندى، جەتكىزۋ كەستەسى 2023 جىلدىڭ قاراشا-جەلتوقسان ايلارىنا جوسپارلانعان بولاتىن. سونداي-اق، ق ر ۇكىمەتىنىڭ رەزەرۆتىك قورىنان 95 200 دوزا مولشەرىندە ككپ ۆاكسيناسىن ساتىپ الۋعا سوما ءبولىندى.
«2023 جىلعى 24 قاراشادا دەنساۋلىق ساقتاۋ مينيسترلىگىنەن تاراتۋ بويىنشا سك-فارماسيا ارقىلى 67 350 دوزا مولشەرىندە ۆاكسينانىڭ ءبىرىنشى پارتياسى كەلدى، 30 950 دوزا مولشەرىندە ۆاكسينانىڭ ەكىنشى پارتياسى 30 قاراشادا كەلدى. وسىلايشا، قالادا قوسىمشا جاپپاي يممۋنداۋ جانە جوسپارلى ۆاكسيناسيالاۋ ءۇشىن ككپ ۆاكسيناسىنىڭ 103 940 دوزاسى بار»، - دەپ قورىتىندىلادى ي.شامەتەكوۆ.
قدسب باسشىسى حابارلاعانداي، قىزىلشامەن سىرقاتتانۋشىلىقتىڭ ودان ءارى تارالۋىن بولدىرماۋ ءۇشىن قازىرگى ۋاقىتتا تولىق شتاتتىق رەجيمدە 78 ۆاكسيناسيا پۋنكتى، 92 ەگۋ بريگاداسى 276 ادام جۇمىس ىستەيدى. قالاداعى بارلىق ەگۋ كابينەتتەرى كۇشەيتىلگەن جۇمىس رەجيمىنە، دەمالىس جانە مەرەكە كۇندەرى - ساعات 08:00-دەن 16:00-گە دەيىن جۇمىس رەجيمىنە اۋىستىرىلدى.
بارلىق مەديسينالىق ۇيىمداردا قوسىمشا جاپپاي يممۋنداۋعا جاتاتىن كونتينگەنتتەردىڭ ءتىزىمى بار - بۇل 6 ايدان 10 اي 29 كۇنگە دەيىنگى بالالار، 2 جاستان 4 جاس 11 اي 29 كۇنگە دەيىنگى بالالار، مەديسينا قىزمەتكەرلەرى مەن دەنساۋلىق ساقتاۋ نىساندارىنىڭ قىزمەتكەرلەرى.
باسقارمانىڭ مالىمەتىنشە، قازىرگى ۋاقىتتا قالالىق بالالار كلينيكالىق جۇقپالى اۋرۋلار اۋرۋحاناسىندا قىزىلشامەن اۋىراتىن بالالاردى ەمدەۋگە ارنالعان 280 توسەك-ورنى بار جەتى بولىمشە اشىلعان. ستاسيونارلىق ەمدەۋدە 237 بالا بار.
«س. جەكەنوۆ اتىنداعى قالالىق كلينيكالىق جۇقپالى اۋرۋلار اۋرۋحاناسىندا 120 ورىندىق توسەك-ورىن ورنالاستىرىلىپ، 104-ىندە ناۋقاستار ەمدەلىپ جاتىر. قىزىلشا بويىنشا ەپيدەميولوگيالىق جاعداي ناشارلاعان جاعدايدا، قكجا فيليالدارىندا قوسىمشا توسەك-ورىندار ورنالاستىرىلاتىن بولادى. ستاسيونارلىق ەمدەلىپ جاتقان بارلىق ناۋقاستاردىڭ جاعدايلارى ورتاشا اۋىر دارەجەدە. ستاسيونارلاردىڭ رەانيماسيالىق بولىمشەلەرىندە قىزىلشامەن اۋىراتىن ناۋقاستار جوق»، - دەگەن ي.شامەتەكوۆ، قىزىلشا اۋرۋىنان ءولىم-جىتىم تىركەلمەگەنىن اتاپ ءوتتى.
ناۋرىزدان قاراشاعا دەيىن قالا بويىنشا قىزىلشادان 8519 ناۋقاس ەمدەلدى.