ۆاكسيناسياعا قارسى ادامدار ءوز قوزعالىستارىندا ءدىني استاردى ءجيى پايدالانادى، ءبىراق ولاردىڭ دالەلدەرىن عىلىمي دالەلدەرمەن راستاۋعا كەلمەيدى.
نەلىكتەن اتا-انالار بالالارىنىڭ دەنساۋلىعىنا قامقورلىق جاساپ، ولاردى قىزىلشاعا قارسى ۆاكسيناسيالاۋ كەرەك ەكەنىن بۇگىن الماتى قالاسىنىڭ ورتالىق مەشىتى مەن پراۆوسلاۆتار شىركەۋىنىڭ وكىلدەرى الماتى قالاسىنىڭ وكق الاڭىندا ايتتى، دەپ حابارلايدى Almaty-akshamy.kz
ءوز سوزىندە ورتالىق مەشىتتىڭ نايب يمامى تيمۋر الييەۆ يسلام ءدىنى اركىمدى ءوز دەنساۋلىعىنا دۇرىس قامقورلىق جاساۋعا جانە اۋرۋدىڭ الدىن الۋ جولدارىن ىزدەۋگە مىندەتتەيتىنىن ەسكە سالدى.
«اللانىڭ ەلشىسى (وعان اللانىڭ يگىلىگى مەن سالەمى بولسىن): ەمدەلىڭدەر. ءبىر عانا اۋرۋعا قارسى ەم جوق، بۇل كارىلىك (احماد يبن حانبال). بۇل حاديس ءار اۋرۋدىڭ ەمى بار ەكەنىن بىلدىرەدى. الايدا اۋرۋدى ەمدەگەننەن گورى ونىڭ الدىن الۋ جاقسى ەكەنى انىق»، - دەدى ت.الييەۆ.
ءدىني قىزمەتكەر سونىمەن قاتار ۆاكسيناسيا كەزىندە كەلەسى شارتتاردى ەسكەرۋ قاجەت ەكەنىن اتاپ ءوتتى:
- ۆاكسيناسيا زاڭدى نەگىزدە جانە مامانداردىڭ باسشىلىعىمەن جۇرگىزىلۋى كەرەك. بۇل مەديسينالىق ماسەلە بولعاندىقتان، وسى سالانىڭ ماماندارى ونى مۇقيات زەرتتەپ، ونىڭ ادام دەنساۋلىعىنا پايدالى نەمەسە زياندى ەكەنىن انىقتاپ، ونى قولدانۋ تۋرالى تۇپكىلىكتى شەشىم قابىلداۋى كەرەك. اللا تاعالا قۇراندا: «ەگەر ءسىز بىلمەسەڭىز، ءبىلىم يەلەرىنەن سۇراڭىز»،-دەيدى («ان-ناحل» سۇرەسى، 43)
- ۆاكسينادا شاريعات تىيىم سالعان زاتتار بولماۋى كەرەك. سەبەبى شاريعات تىيىم سالىنعان ەلەمەنتتەردى نەمەسە تازا ەمەس زاتتاردى پايدالانۋعا رۇقسات بەرمەيدى. سوعان قاراماستان، ەگەر قاجەت بولسا، بار ۆاكسينانى قولدانۋعا بولادى، مىسالى، ەگەر ۆاكسينا ومىرگە ءقاۋىپ توندىرمەسە جانە باسقا حالال ۆاكسينا بولماسا. سەبەبى اللا تاعالا: وزدەرىڭدى ءوز قولدارىڭمەن قاۋىپ-قاتەرگە سالماڭدار» - دەپ بۇيىردى («ال-باكارا» سۇرەسى، 195)
- ۆاكسينا ادام دەنساۋلىعىنا زيان تيگىزبەۋى، اۋرۋدى كۇشەيتپەۋى نەمەسە مۇگەدەكتىك تۋدىرماۋى كەرەك. يسلام ءارقاشان زياندى نارسەلەردەن اۋلاق بولۋعا شاقىرادى. پايعامبار (وعان اللانىڭ يگىلىگى مەن سالەمى بولسىن): «وزىڭە جانە باسقالارعا زيان تيگىزبە»، - دەدى (احماد يبن حانبال).
يسلام دىنىندەگىدەي پراۆوسلاۆيەدە دە ۆاكسيناسيالاۋعا تىيىم سالىنبايدى. بريفينگتە سويلەگەن سوزىندە ۆوزنەسەنك كافەدرالدى سوبورىنىڭ دياكونى ۆيتاليي بىسترۋشكين سونىمەن قاتار الدىن الۋ شارالارىنا بەي-جاي قاراماۋعا جانە قىزىلشاعا قارسى يممۋنيزاسيادان وتۋگە كەڭەس بەردى.
«پراۆوسلاۆيە شىركەۋى ۆاكسيناسيادان ءوتۋدى ايىپتامايدى»، - دەپ اتاپ ءوتتى دياكون ۆ. بىسترۋشكين.
ءداستۇرلى دىندەر وكىلدەرى ادامنىڭ دەنساۋلىعى مەن ءومىرى باستى قۇندىلىق رەتىندە تانىلاتىنىن اتاپ ءوتىپ، تۇرعىنداردى تارالىپ جاتقان اۋرۋعا قارسى ۆاكسيناسيالاۋدى كەيىنگە قالدىرماۋعا شاقىردى.