ق ر ءبىلىم جانە عىلىم مينيسترلىگى ەلدەگى كوللەدجدەردە سىرتتاي وقۋعا ارنالعان بىلىكتىلىك ءتىزىمىن ايتارلىقتاي قىسقارتتى، دەپ حابارلايدى اlmaty-akshamy.kz.
سالىستىرمالى تۇردە ايتار بولساق، ەكى جىلدان استام ۋاقىت بۇرىن 595 بىلىكتىلىك بويىنشا سىرتتاي ءبىلىم الۋعا بولاتىن. ەندى ستۋدەنتتەر 53 بىلىكتىلىك بويىنشا ءبىلىم الا الادى.
سىرتتاي وقۋ ستۋدەنتتەرگە ساپالى داعدىلاردى بەرمەيتىندىكتەن، مينيسترلىك ولاردى قىسقارتۋ بويىنشا كەزەڭ-كەزەڭىمەن جۇمىس جۇرگىزدى. بۇل جولى سىرتتاي وقۋ «قۇقىق»، «ءبىلىم بەرۋ»، «سەرۆيس، ەكونوميكا جانە باسقارۋ» جانە باسقا دا كادرلاردى دايارلاۋ بەيىندەرى بويىنشا الىنىپ تاستالدى.
«بۇگىنگى تاڭدا تەحنيكالىق جانە كاسىپتىك ءبىلىم بەرۋ سالاسىنداعى كادرلاردى دايارلاۋعا قويىلاتىن تالاپتاردى ەڭبەك نارىعى مەن جۇمىس بەرۋشىلەر بەلگىلەيدى. ول ءۇشىن ءبىز سىرتتاي وقۋ تۇرىنەن باس تارتىپ جاتىرمىز. سونداي-اق مۇنداي شەشىمدى قابىلداۋعا تۇلەكتەردىڭ وقۋدى بىتىرگەننەن كەيىن الاتىن ءبىلىم مەن داعدىلارىنىڭ جەتكىلىكسىز ساپاسى سەبەپ بولدى. كوللەدجدەر ستۋدەنتتەرگە جۇمىس ورنىندا ءبىلىم الۋعا مۇمكىندىك بەرەتىن ءىرى كاسىپورىندارمەن جانە بيزنەسپەن تىعىز بايلانىستا جۇمىس ىستەيدى. ياعني بۇل - وقىتۋدىڭ دۋالدى فورماسى. بۇل بۇگىننىڭ وزىندە ءبىلىم ساپاسىنا وڭ اسەرىن تيگىزىپ كەلەدى. سىرتتاي وقىتۋ تىزىمىنەن تالاپ ەتىلمەگەن بىلىكتىلىكتەر، ونىڭ ىشىندە دايىندىق سايكەستىگىن ەسكەرە وتىرىپ، بىرەۋىنە بىرىكتىرىلگەندەر الىنىپ تاستالدى. جالپى، ءبىز قىسقارتۋ جۇمىستارىن ءارى قاراي جالعاستىرامىز»، - دەپ اتاپ ءوتتى ق ر بعم تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا.