2022 جىلعى 1 قاڭتارداعى جاعداي بويىنشا 6 293 اۋىلدى ەلدى مەكەن بار، ولاردا 7،8 ملن تۇرعىن تۇرادى
قازاقستاننىڭ اۋىلدارىنداعى 6 293 ەلدى مەكەندە 7،8 ملن ادام تۇرادى. بۇل تۋرالى ماجىلىستەگى ۇكىمەت ساعاتىندا «اۋىل — ەل بەسىگى» جوباسىن تالقىلاۋ كەزىندە ۇلتتىق ەكونوميكا ءمينيسترى الىبەك قۋانتىروۆ ءمالىم ەتتى، دەپ حابارلايدى اlmaty-akshamy.kz.
«مەملەكەت باسشىسىنىڭ تاپسىرماسىنا سايكەس، اۋىلدىق اۋماقتاردى دامىتۋ ماقساتىندا ۇلتتىق ەكونوميكا مينيسترلىگى «اۋىل — ەل بەسىگى» جوباسىن جۇزەگە اسىرۋ بويىنشا جوسپارلى جۇمىستاردى جۇرگىزىپ جاتىر. جوبانىڭ ماقساتى – ينفراقۇرىلىمدى جاڭعىرتۋ، ونى جاڭا وڭىرلىك ستاندارتتار پارامەترلەرىنە دەيىن جەتكىزۋ ارقىلى اۋىل تۇرعىندارىنىڭ ءومىر ءسۇرۋ ساپاسىن جاقسارتۋ. بۇل ماقساتقا قول جەتكىزۋ الەۋمەتتىك جانە ينجەنەرلىك ينفراقۇرىلىمدى دامىتۋ جونىندەگى مىندەتتەردى ىسكە اسىرۋ، اۋىل تۇرعىندارى ءۇشىن الەۋمەتتىك قىزمەتتەردىڭ قولجەتىمدىگىن قامتاماسىز ەتۋ، جالپى العاندا، ءومىر سۇرۋگە قولايلى جاعداۋ جاساۋ ارقىلى ىسكە اسىرىلادى. اۋىلداردىڭ جالپى سانىنان دامۋ الەۋەتى بار 3،5 مىڭ اۋىل تاڭدالدى. ولاردا اۋىل تۇرعىندارىنىڭ 89 پايىزى تۇرادى. وسى 3،5 مىڭ اۋىلدىڭ 1171ء-ى تىرەك اۋىلى جانە ولاردىڭ اينالىسىندا 2368ء-ى جاقىن سپۋتنيك اۋىل»، - دەدى ءا. قۋانتىروۆ.
ول وسى اۋىلداردى دامىتۋ «اۋىل-ەل بەسىگى» جوباسى اياسىندا ءبىرىنشى كەزەكتەگى ماسەلە رەتىندە جۇزەگە اسىرىلىپ جاتقانىن اتاپ ءوتتى.
«2022 جىلعى 1 قاڭتارداعى جاعداي بويىنشا، 6 293 اۋىلدى ەلدى مەكەن بار، ولاردا 7،8 ملن تۇرعىن تۇرادى. بۇل رەتتە 4،4 مىڭ اۋىل ورتالىقتاندىرىلعان سۋمەن قامتىلعان»، - دەدى مينيستر.