ەلىمىزدىڭ ءبىرقاتار وڭىرلەرىندە اۋا رايىنا بايلانىستى ەسكەرتۋ جاريالاندى

قازاقستاننىڭ التى وڭىرىندە اۋا رايىنا بايلانىستى ەسكەرتۋ جاريالاندى

28 قاڭتاردا اتىراۋ وبلىسىنىڭ سولتۇستىگىندە، شىعىسىندا جانە ورتالىعىندا تۇمان ءتۇسۋى ىقتيمال، دەپ حابارلايدى Almaty-akshamy.kz 

28 قاڭتاردا باتىس قازاقستان وبلىسىنىڭ باتىسىندا، سولتۇستىگىندە تۇمان تۇسەدى.

28 قاڭتاردا تۇركىستان وبلىسىنىڭ تاۋلى اۋداندارىندا قاتتى جاۋىن-شاشىن (كوبىنەسە جاڭبىر) جاۋادى. تۇندە وبلىستىڭ وڭتۇستىگىندە، باتىسىندا جانە تاۋلى، تاۋ بوكتەرلى اۋدانداردا تۇمان cاقتالادى. وڭتۇستىك-باتىستان جەل سوعادى، كۇندىز وبلىستىڭ باتىسىندا، سولتۇستىگىندە جانە تاۋلى، تاۋ بوكتەرلى اۋدانداردا كۇشى 15-20، ەكپىنى 23 م/س.

28 قاڭتاردا تۇستەن كەيىن قىزىلوردا وبلىسىنىڭ باسىم بولىگىندە جاۋىن-شاشىن (جاڭبىر، قار)، ورتالىعىندا كوكتايعاق، بۇرقاسىن كۇتىلەدى. وبلىستىڭ سولتۇستىگىندە جانە ورتالىعىندا تۇمان ساقتالادى. جەل شىعىستان، وڭتۇستىك-شىعىستان سوعادى، وبلىستىڭ ورتالىعىندا كۇشى 15-20 م/س جەتەدى. 28 قاڭتاردا ماڭعىستاۋ وبلىسىنىڭ باتىسىندا، وڭتۇستىگىندە، شىعىسىندا كوكتايعاق. وبلىستىڭ سولتۇستىگىندە تۇمان كۇتىلەدى. سولتۇستىك-باتىستان جەل سوعادى، وبلىستىڭ باتىسىندا، شىعىسىندا ەكپىنى 15-20 م/س جەتۋى مۇمكىن.

28 قاڭتاردا قاراعاندى وبلىسىنىڭ باتىسىندا، وڭتۇستىگىندە شىعىستان، وڭتۇستىك-شىعىستان جەل سوعادى، جىلدامدىعى -15-20 م/س.

28 قاڭتاردا جامبىل وبلىسىنىڭ سولتۇستىگىندە، تاۋلى جانە تاۋ بوكتەرلى اۋداندارىندا تۇمان تۇسەدى، ال 29 قاڭتاردا كوكتايعاق بولادى. سولتۇستىك-شىعىستان سوعاتىن جەل وڭتۇستىك-باتىسقا اۋىسادى، وبلىستىڭ سولتۇستىك-شىعىسىندا، وڭتۇستىك-باتىسىندا جانە تاۋلى اۋداندارىندا 15-20 م/س، 29 قاڭتاردا ەكپىنى 23-28 م/س جەتەدى.