قازاقستان رەسپۋبليكاسىنىڭ ەڭبەك كودەكسىندە ەڭبەكاقى ساقتالمايتىن دەمالىس 97-باپپەن رەتتەلەدى.
BAQ.KZ-كە تۇسىنىكتەمە بەرگەن زاڭگەر سابيرا ساليموۆانىڭ ايتۋىنشا، مۇنداي دەمالىستىڭ ۇزاقتىعى دا جۇمىس بەرۋشى مەن قىزمەتكەردىڭ كەلىسىمى ارقىلى انىقتالادى.
قازاقستان رەسپۋبليكاسىنىڭ ەڭبەك كودەكسىندە ەڭبەكاقى ساقتالمايتىن دەمالىس 97-باپپەن رەتتەلەدى. اتالعان باپقا سايكەس، ەڭبەك شارتى تاراپتارىنىڭ كەلىسىمى بويىنشا، قىزمەتكەردىڭ ءوتىنىشى نەگىزىندە وعان ەڭبەكاقى ساقتالمايتىن دەمالىس بەرىلۋى مۇمكىن، - دەپ ءتۇسىندىردى زاڭگەر.
ياعني زاڭنامادا مۇنداي دەمالىستى قانشا رەت الۋعا بولاتىنىنا نەمەسە ونىڭ ۇزاقتىعىنا شەكتەۋ قويىلماعان.
بۇل جەردە باستىسى – ەكى تاراپتىڭ كەلىسىمى. دەگەنمەن، جۇمىس بەرۋشىنىڭ مۇنداي دەمالىستى بەرۋدەن باس تارتۋعا قۇقىعى بار. الايدا زاڭدا جۇمىس بەرۋشى مىندەتتى تۇردە ەڭبەكاقى ساقتالمايتىن دەمالىس بەرەتىن جاعدايلار دا قاراستىرىلعان. ونىڭ ۇزاقتىعى 5 كۇنتىزبەلىك كۇنگە دەيىن بولۋى مۇمكىن، - دەيدى سابيرا ساليموۆا.
بۇل جاعدايلارعا مىنالار جاتادى:
نەكە قيۋ؛
بالانىڭ دۇنيەگە كەلۋى؛
جاقىن تۋىسىنىڭ، سونداي-اق جۇبايىنىڭ نەمەسە ونىڭ جاقىن تۋىستارىنىڭ (اعا-ىنىلەرى، اپكە-قارىنداستارى، اتا-اناسى، بالالارى، اجەسى، اتاسى، نەمەرەلەرى) قايتىس بولۋى.
سونىمەن قاتار ەڭبەك نەمەسە ۇجىمدىق شارتتاردا كوزدەلگەن وزگە دە جاعدايلاردا دەمالىس بەرىلۋى مۇمكىن.
2024 جىلعى ماۋسىم ايىنان باستاپ جاڭا نورما ەنگىزىلدى. ەندى تۇرمىستىق زورلىق-زومبىلىقتان زارداپ شەككەندەرگە ارنايى الەۋمەتتىك قىزمەت كورسەتەتىن ۇيىمداردا بولعان كەزەڭدە جۇمىس بەرۋشى ەڭبەكاقى ساقتالمايتىن دەمالىستى مىندەتتى تۇردە ۇسىنۋعا ءتيىس. مۇنداي دەمالىستىڭ ۇزاقتىعى 30 كۇنتىزبەلىك كۇننەن اسپايدى.
بۇل جاعدايدا قىزمەتكەر جۇمىس بەرۋشىگە دەمالىس مەرزىمىن كورسەتە وتىرىپ، جازباشا حابارلاما بەرەدى جانە ارنايى الەۋمەتتىك قىزمەتتەردى كورسەتۋ تۋرالى كەلىسىمشارتتىڭ كوشىرمەسىن قوسا تاپسىرادى.