ونىڭ 13ء-ى قۇلدىقتىڭ زاماناۋي تۇرلەرىنە قارسى ىس-قيمىلمەن تىكەلەي بايلانىستى، دەپ حابارلايدى اlmaty-akshamy.kz.
زاڭسىز كوشى-قون مەن ادام ساۋداسىنا قارسى كۇرەس سالاسىنداعى حالىقارالىق ىنتىماقتاستىقتى نىعايتۋ قازاقستاننىڭ 2020 - 2030 جىلدارعا ارنالعان سىرتقى ساياسات تۇجىرىمداماسىنداعى باسىمدىقتاردىڭ قاتارىندا كورسەتىلگەن.
"ادام ساۋداسى پروبلەمالارى الەمنىڭ بارلىق ەلدەرىنە ءتان. ىشكى ىستەر مينيسترلىگىنىڭ دەرەكتەرى بويىنشا ەلىمىزدە جىل سايىن ادام ساۋداسىنا بايلانىستى 150-گە جۋىق قىلمىس تىركەلەدى. ۇيىمداسقان توپتاردىڭ، ونىڭ ىشىندە ادام ساۋداسىنىڭ قۇرباندارىن جالداۋمەن جانە قاناۋمەن اينالىساتىن ترانسۇلتتىق توپتاردىڭ زاڭسىز ارەكەتتەرىنىڭ جولى كەسىلەدى"، - دەدى سەناتور قايرات تاستەكەيەۆ.
بۇگىنگى تاڭدا قازاقستان رەسپۋبليكاسى - 60-تان استام كوپجاقتى شارتتاردىڭ قاتىسۋشىسى، ونىڭ 13ء-ى قۇلدىقتىڭ زاماناۋي تۇرلەرىنە قارسى ىس-قيمىلمەن تىكەلەي بايلانىستى، ولاردىڭ قاتارىندا:
- بىرىككەن ۇلتتار ۇيىمىنىڭ ادام ساۋداسىنا جانە ءۇشىنشى تۇلعالاردىڭ جەزوكشەلىكتى پايدالانۋىنا قارسى كۇرەس تۋرالى كونۆەنسياسى؛
- ادامداردى، اسىرەسە ايەلدەر مەن بالالاردى ساتۋدىڭ الدىن الۋ جانە جولىن كەسۋ جانە ول ءۇشىن جازالاۋ تۋرالى حاتتاما.
- حالىقارالىق كونۆەنسيالاردىڭ كوپتەگەن ەرەجەلەرى ۇلتتىق زاڭناماعا ەنگىزىلگەن.
"بۇگىنگى تاڭدا ادام ساۋداسىنىڭ الدىن الۋ جانە ونىڭ جولىن كەسۋ، سونداي-اق جابىرلەنۋشىلەردىڭ قۇقىقتارىن قورعاۋدى، ادام ساۋداسىنا قارسى ءبىرىڭعاي ءىس-قيمىل جۇيەسىن ايقىندايتىن، ونىمەن كۇرەسۋدىڭ ءتيىمدى تەتىكتەرىن كوزدەيتىن دەربەس زاڭنىڭ جانە جاۋاپكەرشىلىكتى كۇشەيتەتىن ىلەسپە زاڭداردىڭ قاجەتتىلىگى تۋىندادى"، - دەدى سپيكەر.