2024 جىلعى 26 ماۋسىمداعى جاعداي بويىنشا «كۇمىس جاس» جوباسى بويىنشا 15،6 مىڭ ادام جۇمىسقا ورنالاستىرىلدى. 2024 جىلى وسى باعىت بويىنشا بارلىعى 19 060 ادامدى جۇمىسقا ورنالاستىرۋ جوسپارلانۋدا.
«كۇمىس جاس» جوباسى بويىنشا جۇمىسقا ورنالاسقانداردىڭ ەڭ كوپ سانى كەلەسى وبلىستاردا بايقالادى: تۇركىستان – 2،3 مىڭ ادام، جامبىل – 1،5 مىڭ ادام، قاراعاندى – 1،1 مىڭ ادام، الماتى – 1،1 مىڭ ادام. جوباعا قاتىسۋشىلار اراسىندا ايەلدەردىڭ ۇلەسى 54،8% نەمەسە 8،6 مىڭ ادامدى، اۋىل تۇرعىندارىنىڭ ۇلەسى – 9،3 مىڭ ادامدى نەمەسە 59،8% قۇرايدى.
بۇل جوباعا 50 جاستان اسقان جۇمىسسىز ازاماتتار زەينەتكەرلىك جاسقا تولعانعا دەيىن قاتىسا الادى. جوباعا قاتىسۋ ءۇشىن مانساپ ورتالىعىنا ءوتىنىش بەرۋ قاجەت.
«كۇمىس جاس» جوباسىنا قاتىسۋ مەرزىمى اياقتالعاننان كەيىن جۇمىس بەرۋشى زەينەتكەرلىك جاسقا تولماعان ادامدى كەمىندە 1 جىل مەرزىمگە تۇراقتى جۇمىس ورنىنا، سونداي-اق زەينەتالدى جاستاعى ادامدى زەينەتكەرلىككە شىققانعا دەيىن جۇمىسقا ورنالاستىرۋعا مىندەتتى.
رەسپۋبليكا بويىنشا ورتاشا جالاقى مولشەرى 136،2 مىڭ تەڭگەنى قۇرادى، ەڭ جوعارى كورسەتكىشتەردى شىعىس قازاقستان (200،3 مىڭ تەڭگە)، قىزىلوردا (180 مىڭ تەڭگە) وبلىستارى مەن استانا قالاسى (177،7 مىڭ تەڭگە) كورسەتسە، ەڭ تومەنگى كورسەتكىش باتىس قازاقستان وبلىسى (100 مىڭ تەڭگە) مەن الماتى قالاسىنا (98،8 مىڭ تەڭگەدەن) تيەسىلى.
«كۇمىس جاس» جوباسىن قارجىلاندىرۋدى ەڭبەك موبيلدىلىگى ورتالىعى جۇمىس بەرۋشىنىڭ جوبا اياسىندا جۇمىسقا ورنالاستىرىلعان جۇمىسسىزدارعا ەڭبەكاقى تولەۋگە جۇمساعان شىعىندارىنىڭ ءبىر بولىگىن وتەۋگە سۋبسيديالار بەرۋ جولىمەن جۇزەگە اسىرادى. سۋبسيديالار مولشەرى: جۇمىستىڭ ءبىرىنشى جىلىندا جالاقى مولشەرىنىڭ 70%-ىن (ءبىراق 30 اەك-تەن اسپايتىن)، جۇمىستىڭ ەكىنشى جىلىندا جالاقى مولشەرىنىڭ 65%-ىن (ءبىراق 30 اەك-تەن اسپايتىن)، جۇمىستىڭ ءۇشىنشى جىلىندا جالاقى مولشەرىنىڭ 60%-ىن (ءبىراق 30 اەك-تەن اسپايتىن) قۇرايدى.
كوپتەگەن قازاقستاندىقتار جوبا تۋرالى وڭ پىكىر بىلدىرۋدە. سولاردىڭ ءبىرى روزا تانجيكوۆا 57 جاسىندا ءوز ماماندىعى بويىنشا جۇمىسقا ورنالاستى.
روزا حانىم: «وتكەن جىلى جۇمىس ىزدەپ وسكەمەن قالاسىنىڭ مانساپ ورتالىعىنا جۇگىندىم. ورتالىق قىزمەتكەرلەرىنىڭ كومەگىمەن مەن جۇمىسسىز ادام رەتىندە تىركەلىپ، «كۇمىس جاس» جوباسى بويىنشا بەرىلگەن جولداما ارقىلى «ەر-دەنت» ج ش س اڭگىمەلەسۋدەن ءوتتىم. مەن ءقازىر وسى ۇيىمدا ءتىس دارىگەرى بولىپ جۇمىس ىستەيمىن جانە ءوز جۇمىسىما وتە ريزامىن»، – دەپ ءبولىستى.
شىعىس قازاقستان وبلىسىندا 2024 جىلى «كۇمىس جاس» جوباسى بويىنشا 869 ادامدى جۇمىسقا ورنالاستىرۋ جوسپاردا بار.