جىلىجاي شارۋاشىلىقتارىنىڭ ماۋسىمارالىق كەزەڭدە ەلەكتر ەنەرگياسى مەن گاز شىعىندارى سۋبسيديالاناتىن بولادى.
ءتيىستى شەشىمدى اۋىل شارۋاشىلىق مينيسترلىگى بيزنەس تاراپىنان تۇسكەن ۇسىنىستاردى ەسكەرە وتىرىپ قاراستىرىپ جاتىر، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
بيۋدجەت قاراجاتىن ءتيىمدى جۇمساۋ، سونداي-اق بارلىق اگروتەحنولوگيالاردى ساقتايتىن جىلىجايلاردى قولداۋ ماقساتىندا سۋبسيديا الۋدىڭ نەگىزگى تالابى رەتىندە ءوندىرىس تەحنولوگيالارىنا سايكەستىك سەرتيفيكاتىنىڭ بولۋى قاراستىرىلادى. ۇلتتىق ستاندارت 2023 جىلدىڭ 1 مامىرىندا بەكىتىلىپ، كۇشىنە ەندى.
قازىرگى ۋاقىتتا اۋىل شارۋاشىلىق مينيسترلىگى اكىمدىكتەردىڭ قاۋلىسىمەن بەكىتىلگەن سۋبسيديالار نورمالارى بويىنشا 1 گا. شىعىستاردى وتەۋدى كوزدەيتىن سۋبسيديالاۋ قاعيدالارىنا ءتيىستى وزگەرىستەر ازىرلەدى. اوك ەكونوميكاسى جانە اۋىلدىق اۋماقتاردى دامىتۋ قازعزي-دا جابىق توپىراقتا كوكونىس ءوندىرۋ شىعىندارىنىڭ عىلىمي ەسەپتەۋلەرى جۇرگىزىلدى، ولار بويىنشا ورتاشا كورسەتكىشتەر ەسەپتەلەتىن بولادى.
وسىلايشا، وندىرىستىك جىلىجايلار عانا ەمەس، ءوندىرىس ستاندارتتارىنا سايكەس كەلەتىن فەرمەرلىك كەشەندەر دە وسى باعىت بويىنشا سۋبسيديالاۋعا قۇقىلى بولادى.
بۇيرىقتىڭ جوباسى كەلىسىمگە جىبەرىلدى، جاقىن ارادا ونى بەكىتۋ جوسپارلانىپ وتىر.
ايتا كەتەيىك، اتالعان قولداۋ شارالارىنان بولەك، قازاقستاندىق جىلىجايشىلار تىڭايتقىشتاردى (ورگانيكالىق زاتتاردى قوسپاعاندا)، پەستيسيدتەردى، بيواگەنتتەردى (ەنتوموفاگتاردى) جانە بيواگەنتتى، سونداي-اق سۋارمالى سۋدى، قيار مەن قىزاناق تۇقىمىن ساتىپ الۋعا سۋبسيديا الۋعا ۇمىتكەر بولا الادى.
سونىمەن قاتار، جىلىجاي كەشەندەرىن سالۋ جانە كەڭەيتۋ كەزىندە شىعىنداردىڭ 25% وتەۋ قاراستىرىلعان. ناتيجەلەردى ۇلعايتۋ ءۇشىن قازىرگى ۋاقىتتا ءنورماتيۆتى 30% دەيىن ارتتىرۋ بويىنشا جۇمىستار جۇرگىزىلىپ جاتىر.
2022 جىلدىڭ قورىتىندىسى بويىنشا رەسپۋبليكادا 1 225 گا الاڭدا جابىق توپىراق قۇرىلىستارى جۇمىس ىستەدى، ونىڭ 219 گا ونەركاسىپتىك جىلىجاي جانە 1006 گا فەرمەرلىك جەر.