22 ماۋسىمدا رەسپۋبليكا سارايىنىڭ الدىندا اباي اتىنداعى الاڭدا «التىن بەلگى» توسبەلگىسىمەن 5- سىنىپتان 11- سىنىپقا دەيىن ۇزدىك وقىعان وقۋ ۇزدىكتەرى ماراپاتتالادى، دەپ حابارلايدى Almaty-akshamy.kz.
اعىمداعى جىلى الماتى قالاسى مەكتەپتەرىنىڭ 474 تۇلەگى جوعارى ماراپات – «التىن بەلگى» بەلگىسىنە يە بولۋ قۇقىعىن راستادى، ونىڭ ىشىندە 423 قالالىق مەكتەپ تۇلەگى جانە 51 رەسپۋبليكالىق مەكتەپ تۇلەگى (نزم، رفمم، اباي اتىنداعى دارىندى بالالارعا ارنالعان رەسپۋبليكالىق ورتا مەكتەپ-ينتەرناتى).
ماراپاتتاۋ راسىمىنە ءبىلىم سالاسىنىڭ ارداگەرلەرى قاتىسادى. سونداي-اق، رەسپۋبليكالىق جانە حالىقارالىق وليمپيادالاردىڭ، جارىستار مەن كونكۋرستاردىڭ جەڭىمپازدارى لايىقتى ماراپاتقا يە بولادى.
قالا وقۋشىلارى 2023 جىلى حالىقارالىق زياتكەرلىك وليمپيادالار مەن عىلىمي جارىستاردا 7 التىن، 11 كۇمىس جانە 23 قولا مەدال جەڭىپ العانىن اتاپ ءوتۋ ماڭىزدى.
سالتاناتتى ءراسىم بارىسىندا تۇلەكتەر شەرۋى، تۇلەكتەر ءۆالسى، مەرەكەلىك وتشاشۋ جوسپارلانعان. تۇلەكتەر الدىندا قازاقستاندىق ەسترادا جۇلدىزدارى ونەر كورسەتەدى. ءىس-شاراعا الماتى قالاسى اكىمىنىڭ ورىنباسارى اسەم بەك قىزى ءنۇسىپوۆا قاتىسادى.