بۇل تۋرالى ول استانادا وتكەن قازاقستان مەن گەرمانيا رەكتورلارىنىڭ فورۋمىندا مالىمدەدى، دەپ حابارلايدى Almaty-akshamy.kz.
«ءبىز ءبارىمىز تۇراقتى الەمدى قالايمىز جانە عىلىمسىز مۇنى ىستەۋ مۇمكىن ەمەس. ول ءۇشىن ءبىز بىرىگىپ، بىرگە دامۋىمىز كەرەك. بۇرىنعى مۇمكىندىكتەر مەن ىنتىماقتاستىققا سۇيەنە وتىرىپ، ءبىز كەلەسى قادامدى جاساۋىمىز كەرەك. مۇنداي «باستاپقى نۇكتە» ءبىزدىڭ ەلدەرىمىزدىڭ عالىمدارىنىڭ عىلىمي زەرتتەۋلەرى مەن ازىرلەمەلەرى بولۋى مۇمكىن»، - دەدى پروفەسسور روممەل ۆولراد.
ول سونداي-اق قازاقستاندىق جانە نەمىس عالىمدارى بىرلەسكەن زەرتتەۋ توپتارى مەن ورتالىقتارىن ۇيىمداستىرۋعا، بىرلەسكەن جوبالاردى ىسكە اسىرۋعا، عىلىمدى دامىتۋ ءۇشىن يننوۆاسيالىق پلاتفورمالار اشۋعا دايىن ەكەنىن اتاپ ءوتتى.
سىندارلى ديالوگ بارىسىندا فورۋمعا قاتىسۋشىلار عىلىم، جوعارى ءبىلىم، ەنەرگەتيكا، ەكولوگيا، ينجەنەريا جانە جاسىل تەحنولوگيالار سالاسىنداعى ىنتىماقتاستىق پەرسپەكتيۆالارىن تالقىلادى. قاتىسۋشىلاردىڭ پىكىرىنشە، الداعى ونجىلدىق ءبىزدىڭ ەلدەرىمىزدىڭ ەكونوميكالىق جانە عىلىمي الەۋەتىن دامىتۋدىڭ ۇزاق مەرزىمدى كەزەڭى بولادى.
ەستەرىڭىزگە سالا كەتەيىك، استانادا گفر پرەزيدەنتى فرانك-ۆالتەر شتاينمايەردىڭ مەملەكەتتىك ساپارى اياسىندا قازاقستاندىق جانە نەمىس ۋنيۆەرسيتەتتەرى رەكتورلارىنىڭ فورۋمى ءوتتى. فورۋمعا قاتىسۋ ءۇشىن گەرمانيانىڭ ءىرى تەحنيكالىق ۋنيۆەرسيتەتتەرى مەن عىلىمي ورتالىقتارى وكىلدەرىنىڭ ۇلكەن دەلەگاسياسى كەلدى.