جىلۋعا ارتىق تولەگەن ابونەتتەردىڭ اقشاسى قايتارىلادى

وڭىرلەر بويىنشا تۇتىنۋشىلاردىڭ 489 ملن. تەڭگەدەن استام قاراجاتى ارتىق ەسەپتەلگەن.

2021-2022 جىلدارداعى جىلىتۋ كەزەڭىندە جىلۋمەن جابدىقتاۋ بويىنشا قىزمەت كورسەتەتىن تابيعي مونوپوليا سۋبەكتىسى جىلۋ ەنەرگياسىنىڭ تولەمىنە ققس-تى ەسكەرە وتىرىپ، جالپى سوماسى 489 950 250 تەڭگەگە قايتا ەسەپتەۋ جۇرگىزدى، دەپ حابارلايدى Almaty-akshamy.kz

ق ر ۇەم تابيعي مونوپوليالاردى رەتتەۋ كوميتەتى جانە ونىڭ اۋماقتىق بولىمشەلەرى قازاقستاننىڭ بارلىق وڭىرلەرى بويىنشا جىلۋ ەنەرگياسىن ەسەپكە الۋ اسپاپتارى جوق تۇتىنۋشىلار ءۇشىن جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋ بويىنشا جۇمىستار جۇرگىزدى.

زاڭنامانىڭ نورمالارىنا سايكەس جۇرگىزىلگەن جۇمىستار ناتيجەسىندە،  جىلۋ ماۋسىمىندا (2022-2023 جىلدارى) نەمەسە كۇنتىزبەلىك جىل ءۇشىن (2022 جىلدىڭ سوڭىنا دەيىن) قاراجاتتى ەسەپتەۋدى قايتارۋ حالىقتىڭ جەكە شوتىندا كورسەتىلەدى جانە اۆانس (سالدو) تۇرىندەگى جەكە جولدا جازىلادى.

تابيعي مونوپوليا سۋبەكتىسى، سىرتتاعى اۋانىڭ ناقتى تەمپەراتۋراسىن ەسكەرە وتىرىپ، جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتتىڭ قۇنىن تۇتىنۋشىلارعا تىكەلەي نە تۇتىنۋشىنىڭ تۇرعان جەرىن انىقتاۋ مۇمكىن بولماعان جاعدايدا جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتكە اقى تولەۋ كەزىندە ءتاريفتى تومەندەتۋ ارقىلى قايتا ەسەپتەۋدى جۇرگىزۋگە مىندەتتى.

وسىلايشا، وتكەن 2021-2022 جىلدارداعى جىلىتۋ كەزەڭىندە جىلۋمەن جابدىقتاۋ بويىنشا قىزمەت كورسەتەتىن تابيعي مونوپوليا سۋبەكتىسى جىلۋ ەنەرگياسىنىڭ تولەمىنە ققس-تى ەسكەرە وتىرىپ جالپى سوماسى 489 950 250 تەڭگەگە قايتا ەسەپتەۋ جۇرگىزدى:

- الماتى قالاسى بويىنشا – 40 935 520 تەڭگە؛

- نۇر-سۇلتان قالاسى بويىنشا – 1 755 990 تەڭگە؛

- شىمكەنت قالاسى بويىنشا – 27 698 240 تەڭگە؛

- الماتى وبلىسى بويىنشا – 9 284 560 تەڭگە؛

- اقمولا وبلىسى بويىنشا –  20 338 930 تەڭگە؛

- اتىراۋ وبلىسى بويىنشا – 8 275 780 تەڭگە؛

- اقتوبە وبلىسى بويىنشا – 20 185 000 تەڭگە؛

- شىعىس قازاقستان وبلىسى بويىنشا –  186 251 070 تەڭگە؛

- جامبىل وبلىسى بويىنشا – 16 585 480 تەڭگە؛

- باتىس قازاقستان وبلىسى بويىنشا – 786 580 تەڭگە؛

- قاراعاندى وبلىسى بويىنشا –  81 306 480 تەڭگە؛

 - قوستاناي وبلىسى بويىنشا –  4 449 030 تەڭگە؛

 - قىزىلوردا وبلىسى بويىنشا –  38 824 760 تەڭگە؛

 - پاۆلودار وبلىسى بويىنشا – 3 138 510 تەڭگە؛

- سولتۇستىك قازاقستان وبلىسى بويىنشا – 26 648 420 تەڭگە؛

- تۇركىستان وبلىسى بويىنشا – 3 485 900 تەڭگە.

ايتا كەتسەك، ماڭعىستاۋ وبلىسىنىڭ تۇتىنۋشىلارى ءۇشىن قايتا ەسەپتەۋ بولمايدى، سەبەبى جىلۋ ەنەرگياسىمەن جابدىقتاۋ بويىنشا رەتتەلىپ كورسەتىلەتىن قىزمەتتىڭ قۇنى سىرتقى اۋانىڭ ناقتى تەمپەراتۋراسىن ەسەپكە الۋعا سايكەس جۇرگىزىلگەن.