ۇبت 10-13 تامىز ارالىعىندا وتەدى.
نەگىزگى ۇبت-عا قاتىسقاندار تامىزداعى ۇبت-دا نەگىزگى پاندەر كومبيناسياسىن وزگەرتە الادى، دەپ حابارلايدى Almaty-akshamy.kz
سونىمەن تامىزداعى ۇبت-عا مىنا تۇلعالار قاتىسا الادى:
اقىلى نەگىزدە ججوكبۇ-عا قابىلداۋ ءۇشىن نەمەسە قالاۋى بويىنشا رەسپۋبليكالىق بيۋدجەت قاراجاتى ەسەبىنەن مەملەكەتتىك ءبىلىم بەرۋ تاپسىرىسى بويىنشا وقۋ ءۇشىن اعىمداعى جىلعى ورتا ءبىلىم بەرۋ ۇيىمدارىنىڭ بىتىرۋشىلەرى؛
قالاۋى بويىنشا اقىلى نەگىزدە ججوكبۇ-عا قابىلداۋ ءۇشىن ورتا ءبىلىم بەرۋ، تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ وتكەن جىلدارداعى بىتىرۋشىلەرى؛
ءوز قالاۋى بويىنشا رەسپۋبليكالىق بيۋدجەت نەمەسە جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتىن بەرۋ كونكۋرسىنا قاتىسۋ ءۇشىن جوعارى ءبىلىمنىڭ قىسقارتىلعان وقىتۋ مەرزىمدەرىن كوزدەيتىن ءبىلىم بەرۋ باعدارلامالارى بويىنشا وقۋعا تۇسەتىن تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ بىتىرۋشىلەرى؛
رەسپۋبليكالىق بيۋدجەت نەمەسە جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتىن بەرۋ كونكۋرسىنا قاتىسۋ ءۇشىن نەمەسە قالاۋى بويىنشا اقىلى نەگىزدە ججوكبۇ-عا قابىلداۋ ءۇشىن شەتەلدە ءبىلىم العان ورتا ءبىلىم بەرۋ ۇيىمدارىنىڭ بىتىرۋشىلەرىنە، سونداي-اق شەتەلدە وقۋ ورىندارىن بىتىرگەن قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق تۇلعالار؛
اقىلى نەگىزدە كۇندىزگى وقۋ نىسانى بويىنشا ججوكبۇ-عا قابىلدانعان، ۇبت ناتيجەلەرى بويىنشا شەكتى بالل جيناي الماعان، كۇنتىزبەلىك جىلى ججوكبۇ-عا اقىلى نەگىزدە ودان ءارى قابىلداۋ ءۇشىن ۇبت ناتيجەلەرى سايكەس كەلمەيتىن بەيىندىك پاندەر كومبيناسياسىمەن ۇبت ناتيجەلەرى جويىلعان تۇلعالار؛
شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبى بويىنشا ججوكبۇ-نىڭ ءبىلىم الۋشىلارى جانە اقىلى نەگىزدە باسقا ءبىلىم بەرۋ باعدارلامالارى توپتارىنا اۋىسقىسى كەلەتىندەر؛
اقىلى نەگىزدە «پەداگوگيكالىق عىلىمدار» ءبىلىم بەرۋ سالاسىنداعى ءبىلىم بەرۋ باعدارلامالارى توبىنا اۋىسقىسى كەلەتىن ججوكبۇ ءبىلىم الۋشىلارى.
سونىمەن قاتار، نەگىزگى ۇبت-عا قاتىسقاندار تامىزداعى ۇبت-دا نەگىزگى پاندەر كومبيناسياسىن وزگەرتە الادى.
تەستىلەۋگە قاتىسۋ قۇنى - 4 230 تەڭگە.